Felix Maria de Oliveira Moris iha Tohumeta, Postu Administrativu Laulara, Munisípiu Aileu iha dia 15 de Setembru de 1974. Oan husi Nai-Coli e Bi-Sabo mate iha tinan 979. Inan Hakiak ho naran Ana Pereira mate iha tinan 2013.

Hahu tama eskola Primaria wainhira hau halo ona tinan 11. Hahu tama eskola primeira klase/Primeiru Siklu iha tina 1985 iha tempu okupsaun indonesia bolu naran SDN 15 Manleuana Dili. Tinan 1991 hau tuir exame nasional hau la passa no hau kontinua repete hau nia eskola seistu anu foin termina eskola primariu iha tinan 1992 husi eskola SDN 15 Manleuana Dili. Iha Tinan 1992 hau kontinua hau nia estudu ba Pre-secundariu iha eskola privadu St. Paulus VI Dili no remata iha tinan 1995. Iha Tinan 1995 hau hahu tama eskola iha Ensino Sekundariu iha eskola privadu Darma Bakti Aimutin Dili. Setembru 1998 hau tama Universidade ho Naran UNTIM(Universidade National Timor-Timur) Fakuldade Faspol no departamentu Siensia Governamental, Estudu ne’e mai to’o 30 de agostu 1999 Timor-Leste tama konsulta popular no povo maioria hili Ukun Rasik-an. Hahu husi ne’e hau la kontinua estudu iha universidade, Iha Tinan 2001-2002 hau ba eskola iha Universidade Internasional de Macau iha fakuldade de Direitu, Maibe infelismente hau la konsege halo hotu hau nia estudu no deside fila mai Timor-Leste iha tinan 2002. Iha Tinan 2003 hau kontinua estudu iha Institutu Superior Cristal Filial Aileu, Fakuldade Edukasaun departamentu Lingua Portuguesa, ho nivel estudu Diploma III, Maibe la hotu iha ISC. iha tinan 2007 hau halo trasferensia ba UNDIL no hau halo Graduasaun iha Universidade Dili/UNDIL. Iha tinan 2012 hau kontinua hau nia estudu ba lisensiatura ISC/Institutu Superior Cristal Dili ho faculdade Edukasaun departamentu Sosioloji no Gradua iha 13 de Desembru 2012 Salaun Dom Bosco Dili.

Hahú knar nudar Interpreter iha UN iha tinan 2000 até  2001. Hafoin Servisu iha Ajensia International ba Migrasaun(OIM) hanesan Assistant project iha tinan 2001. Depois de Servi mos hanesan Professor iha Ensino Secundário São Pedro no São Paulo Aileu iha tinan 2003 até 2007. Hafoin iha tinan 2008 até 2015 hanesan professor lingua portuguesa iha Ensino Tekniku Vocasional Munisípiu Aileu. Iha tinan 2016 até 2020 Assumi kargu hanesan Adjuntu Direitor Ensino Tekniku Vocasional Munisípiu Aileu. Iha tinan 2021 Assumi Pasta Secretariu Administrador Municipio Aileu.

“Hau nia presensa laos atu sai obstakulu ba lideransa no funsionario Administrasaun Municipio Aileu. Hau nia presensa hakarak ho laran tomak koopera, kolaborasaun hodi kontribui diak liu ba hamentin unidade no garante susesu dezenvolvimentu Instituisaun Administrasaun. Hau mos hakarak aprende hamutuk ho lideransa senior hotu ne’ebe iha Administrasaun hodi nune’e fo prestasaun servisu ne’ebe diak liu ba publik no povo tomak “Unidade Ação E Progresso”.”