Aileu, Terca Feira, Outubro 2025 –Ministériu Administrasaun Estatal (MAE) liu husi Diretor-Jerál Dezentralizasaun no Governu Lokál, Sr. 𝐀𝐧𝐭𝐨𝐧𝐢𝐨 𝐀𝐮𝐠𝐮𝐬𝐭o 𝐆𝐮𝐭𝐞𝐫𝐫𝐞𝐬 hamutuk ho Secretariu Municipal Administrasaun Aileu, José Vicente Vila Nova hala’o abertura ba formasaun ba kargu xefia sira hodi haforsa kapasidade servisu iha nivel munisipál no kontribui ba governasaun ne’ebé efetivu.
Diretor-Jerál Dezentralizasaun no Governu Lokál, Sr Antonio Augusto Guterres iha nia intervensaun informa katak, objetivu prinsipal husi formasaun ne’e mak atu aumenta kapasidade no kompeténsia xefia sira iha nivel Munisipál hodi reforsa konhesimentu, abilidade no pratika servisu ba funsionáriu tékniku administrativu, intensifika kordenasaun, komunikasaun no efetividade iha implementasaun programa Governu nian iha Municipiu.
DGDGL mós afirma katak formasaun profisionál ida ne’e sei kontribui ba hadia kapasidade institusionál no governasaun lokál, hodi garante prestasaun servisu públiku neʼebé di’ak, efisiénte hodi atende povu iha nivel munisipal.
Tamba neé, DGDGL, Sr. António Augusto Guterres husu ba presidente autoridade municipal Aileu atu partilha informasaun ne’e ba Diretores Servisus Munisipal, Xefe Departamentu no Funsionárius Tékniku Administrativu sira, atu bele partisipa ho efetivu iha formasaun ida neé.
Formasaun nebé halao iha Salaun Administrsaun Municipal Aileu durante loron 4, partisipa husi kargu xefia 60 no funcionariu tekniku Administrativu hamutuk nain 80 no wainhira remata sei hetan sertifikadu.
Durante estadia iha Aileu, Diretor-Jerál Dezentralizasaun no Governu Lokál, Sr Antonio Augusto Guterres hamutuk ho Sekam Munisipal Aileu tun direta ba hare projetu konstrusaun posto Saúde Seloi-kraik ne’ebé responsabiliza husi kompanhia Mirol Raefusa Unipessal Lda ho orsamentu ($128.871.25.)
Aileu, 01 Outubro 2025. Diretor Nasionál ba Apoiu Administrasaun Suku-DNAAS “𝗦𝗿. 𝗖𝗲𝗹𝗲𝘀𝘁𝗶𝗻𝗼 𝗠𝗮𝗿𝗾𝘂𝗲𝘀” hamutuk ho Diretor Servisu Munisipál ONG no Diretor Servisu Munisipál Rekursu Humanu, kuarta ohin, akompaña reprezentante PAM liuhosi Sekretáriu Munisipál ba Asuntu Administrasaun no Finansas “𝐒𝐫. 𝐉𝐨𝐬é 𝐕𝐢𝐜𝐞𝐧𝐭𝐞 𝐕𝐢𝐥𝐚𝐧𝐨𝐯𝐚”, hodi hala’o abertura ba formasaun espesífiku kona-ba livru administrasaun suku 18 nomós programa SIIGSA, direita ba Ofisiál Apoiu Administrasaun Suku sira husi Postu Administrativu Laulara no Postu Administrativu Remexiu.
Importánsia husi livru 18 mak hanesan atu uniformiza administrasaun suku iha territóriu, atu fasilita lideransa komunitária sira nia atendementu ba populasaun iha nivél suku no atu rejistu informasaun sira iha suku laran.
Tuir lei-númeru 9/2016, 8 Juñu artigu 23 ko’alia kona-ba kompeténsia xefe suku iha aliña kona-ba elaborasaun no ezekusaun planu dezenvolvimentu komunitária, signifika atu halo planu anuál ne’ebé di’ak normal ne’e presiza dadus ne’ebé kredível no atuál. Ho nune’e Ministériu Administrasaun Estatal liuhosi Diresaun Nasionál Apoiu Administrasaun Suku estabelese livru administrasaun iha suku sira.
Livru Administrasaun Suku fahe ba grupu tolu mak hanesan, livru administrasaun suku hahú A1 to’o A11, Livru administrasaun populasaun BI to’o B5 no livru administrasaun dezenvolvimentu C1-C2.
#. Livru Administrasaun Dezenvolvimentu Suku kompostu husi livru C1 no C2. Livru C1 ne’e livru ne’ebé atu halo rejistu projetu sira no livru C2 ne’e atu halo rejistu ba atividade sira iha suku sira.
Hafoin ofisiál sira iha ona koñesimentu ba prienximentu livru ne’e, sira sei dijitaliza fali dadus manuál sira ba iha Sistema Integradu Informasaun Jestaun Dadus Suku no Aldeia (SIIGSA).
