SERVISU MUNISIPÁL  AGRICULTURA AILEU

INTRODUSAUN

Servisu municipal Agrikultura hanesan Direasaun Municipal ne’ebe mak tutela ba iha Ministeriu Administrasaun Estatal (MAE) ne’ebe mai ho nia kompetensia Tuteladas hanesan DL nú 84/2023, 23 Novembru alterasaun dalima ba Dekretu Lei nú 3/2016, 16 Marsu ho nia kompetensia iha Art. 12 no mos (DM nú.85/2023, Arts. 41.º – 43.º) ne’ebe mak fo nia kompetensia iha Programa, Sub Programa no Aktividade sira.

Kompete ba Autoridade Munisipál sira, atu iha área Agrikultura:

·Estuda, dezenvolveno propoinba membru Governu responsável ba Hidráulika Agríkola, hodi bele hetan aprovasaun, planu aproveitamentu rekursus hídrikus Munispál nian sira atu uza ba fin agríkola;

·Promove harí asosiasaun dezenvolvimentu rural nian sira no apoia ninia atividade sira;

·Kolaboraho Ministériu responsável ba área Agrikultura nian hodi introdúz kultura agríkola foun iha Munisípiu;

·Promove kultivu propriedade estadu nian hirak mamuk, ne’ebé hanesan rai no uma hirak harí iha nebá no la iha autonomia ekonómika, maibé bele kuda buat ruma;

·Apoio no koordena atividade hirak kona ba estensaun Agríkola;

·Promove hodi harí sentru produsaun pekuária;

·Emiti kartaun identifikasaun ba balada sira no kartaun identifikasaun ninia klibur nian;

·Fiskaliza kondisaun hirak ba funsionamentu básar nian sira ba balada hakiak nian;

·Tau matan ba ema atu kumpri regra sira ba vasinasaun balada nian;

·Promove kuda Ai iha propriedade estadu nian nebe bele sai floresta;

·Apoia inisiativa hirak atu kuda Ai iha propriedade partikular sira ne’ebe bele sai Floresta;

·Hakian no jere viveiru ba ai-oan Agríkola no florestál nian sira;

·Promove harí estabelesimentu agro-indústria nian sira;

·Apoia inisiativa ekonómika sira ne’ebé maka organizasaun ka klibur vulnerável Munisípiu nian sira hala’o.

Visaun

Servisu Munisípal Agrikultura nia Visaun mak ‘’Agrikultura susténtavel, inovativu, Promove Produtu Lokal no komersial, aumenta rendimentu produtór, garante seguransa aliméntar no kontribui ba dezenvolvimentu ekonomia munisípiu nian’’

Misaun

Servisu Munisípal Agrikultura nia misaun mak planea, implementa no monitoriza politika agrikultura iha nivel lokal; fó asisténsia téknika no apoio ba produtór; promove inovasaun, konserva recurso naturais, no hamenus povreza liu husi agrikultura

Objetivu Estratéjiku

          – Aumenta produtividade agrikultura iha munisípiu.

         – Fó asisténsia téknika ba produtór agrikultura.

         – Promove prátika Agrikultura susténtavel no manejamentu recurso natural.

         – Hamenus pobreza no aumenta rendimentu familía produtór.

         – Reforsa kooperativa agrikultura no ligasaun merkadu.

         – Reforça kapasidade institusionál SMA hodi entrega servisu efetivu.

         – Koordena no integra agrikultura ho setor pekuária, peskas no floresta.

ESTRUTURA ORGANIZASIONÁL

EXTENSIONISTA POSTU AILEU VILA

EXTENSIONISTA POSTU LAULARA

EXTENSIONISTA POSTU LEQUIDOE

EXTENSIONISTA POSTU REMEXIU