Aileu, 27 Outubru 2025. Gabinete Prezidénsia RDTL no Sekretáriu Estadu Arte no Kultura, segunda horseik, hala’o audénsia ho PAM-Aileu “𝐄𝐱𝐞𝐥é𝐧𝐬𝐢𝐚 𝐉𝐨ã𝐨 𝐁𝐨𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬” iha eskritóriu PAM.

Objetivu husi audénsia ne’e maka Gabinete Prezidénsia RDTL no Gabinete SEAK hakarak informa hela ba Autoridade katak, tempu badak Prezidente RDTL “S.E José Ramos-Horta” sei loke kompetisaun pintura iha kada Munisípiu, relasiona ho “Selebrasaun Timor-Leste Nia Entrada ba ASEAN”, hodi kontinua hametin ninia kompromisu ba integrasaun rejionál, kooperasaun no promosaun dame liu husi arte públiku.

Tema importante sira ba kompetisaun ida ne’e mak hanesan:

01. Selebra Diversidade Kulturál “Reprezentasaun kultuta Timor no Sudeste Aziátiku”;

02. Reprezenta Kooperasaun “Expresa ho vizuál kolaborasaun no partilla entre nasaun sira”;

03. Simboliza Dame “Elementu sira ne’ebé reprezenta armónia no integrasaun rejionál”; no

04. Reflete Identidade Timor “Expresa elementu kultura nian iha diálogu ho ASEAN”.

Entertantu tema sentrál maka: “Promove Unidade, Amizade no Kolaborasaun iha Valór Fundador ASEAN”.

NB: Gabinete PR no SEAK hamutuk ho Autoridade Aileu liu husi Servisu Munisipál Edukasaun sei hala’o enkontru ho maluk artista Aileu-oan sira ne’ebé mai ho individual ka koletiva “identifikadu”, hodi entende didiak lalaok sira, hafoin bele hakat ba atividade kompetisaun sira.

Atu hatene informasaun klean bele akompaña iha dokumentu aneksu, no klaru liu tan bainhira iha sesaun sorumutu nian. Obrigadu no bom aproveita maluk Aileu-anan sira

#mediagatpama2025.