Lequidoe, 05/Setembru/2025. PAM-Aileu “𝐄𝐱𝐞𝐥é𝐧𝐬𝐢𝐚 𝐉𝐨ã𝐨 𝐁𝐨𝐬𝐜𝐨 𝐒𝐚𝐧𝐭𝐨𝐬”, sexta ohin, ho ninia vizita supreza ba edifísiu Postu Administrativu Lequidoe ne’e hodi observa direita projetu PDIM 2025 ba konstrusaun bareira satan rai no estrada betaun ba edifísiu APA Lequidoe nian. Progresu fíziku ne’ebé relata husi enjinériu kompañia NorthlandMasha iha loron 28/Agostu/2025 katak, atinje ona 71.44%.
Sorin seluk PAM mós husu informasaun no prosesu prioridade PNDS regular TP 2025 nian iha Postu Lequidoe ba funsionáriu tékniku husi PNDS Postu, no sira relata katak;
#. Lista prioridades PNDS Regular TP Tinan 2025 iha Postu Administrativu Lequidoe mak hanesan:
01. Reabilitasaun Estrada Rurais – Estrada Betaun iha Aldeia Biloko no Suku Asubilitoho;
02. Reabilitasaun Sistema Bee-moos “Gravitasaun” iha Aldeia Lebutu no Suku Bereleu;
03. Reabilitasaun Estrada Rurais – Estrada Betaun iha Aldeia Naumata no Suku Betulau;
04. Konstrusaun Estrada Rurais – Estrada Betaun iha Aldeia Lokotoi no Suku Fahisoi;
05. Konstrusaun Estrada Rurais – Estrada Betaun iha Aldeia Lebumeran no Suku Faturilau;
06. Konstrusaun Rezidénsia Pesoál Saúde iha Aldeia Fatukmrin no Suku Manukasa; no
07. Konstrusaun Estrada Rurais – Estrada Rai iha Aldeia Aitoin no Suku Namolesu.
Haree ba lista hirak ne’e PAM husu funsionáriu tékniku PNDS atu servisu ho responsabilidade, aselera prosesu no garantia kualidade diak ba bem-estar povu nian.
