𝐃𝐢𝐫𝐞𝐬𝐚𝐮𝐧 𝐍𝐚𝐬𝐢𝐨𝐧á𝐥 𝐀𝐩𝐨𝐢𝐮 𝐃𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐌𝐮𝐧𝐢𝐬𝐢𝐩á𝐥 – 𝐃𝐍𝐀𝐃𝐌 𝐅𝐨 𝐀𝐬𝐢𝐬𝐭é𝐧𝐬𝐢𝐚 𝐓é𝐤𝐧𝐢𝐤𝐚 𝐁𝐚 𝐃𝐢𝐫𝐢𝐣𝐞𝐧𝐭𝐞 𝐒𝐢𝐫𝐚 𝐈𝐡𝐚 𝐀𝐢𝐥𝐞𝐮.

Aileu, 24 Marsu 2026. Reprezentante PAM liu husi Sekretáriu Munisipál Asuntu Sosiál no Organizasaun “𝐒𝐫. 𝐑𝐨𝐠ê𝐫𝐢𝐨 𝐝𝐚 𝐂𝐨𝐧𝐜𝐞𝐢çã𝐨”, iha tersa ne’e akompaña husi reprezentante Diretor ba Diresaun Nasionál Apoiu Dezenvolvimentu Munisipál – DNADM liu husi Xefe Departamentu “𝐒𝐫. 𝐄𝐥𝐯𝐢𝐬 𝐝𝐨𝐬 𝐒𝐚𝐧𝐭𝐨𝐬 𝐂𝐚𝐞𝐢𝐫𝐨 𝐋𝐨𝐩𝐞𝐬” hamutuk ho Sekretáriu Munisipál Asuntu Administrasaun no Finansas no Sekretáriu Munisipál Asuntu PIDI, partisipa iha atividade asisténsia téknika ne’ebé hala’o husi DNADM no konjunta ho SEDL ba Diretores Servisus Munisipais, Xefe Departamentus no Administrador Postu 4, durante loron 2 “hahú husi 24-25 Marsu 2026”.

Sasukat husi formasaun ne’e maka oinsá bele mellora diak liu tan Dirijente sira-nia koñesimentu no baze ida preparasaun ba futuru simu desentralizasaun no podér lokál iha Aileu.

Enkuantu iha loron dahuluk ekipa formadores konjunta ne’ebé mai husi DNADM no SEDL lori sesaun aprezentasaun sira liu husi halo pre-test ba Dirijente sira, inklui iha diskusaun grupu no aprezentasaun fali planu no atividade ne’ebé hala’o iha servisu munisipál sira.

Durante formasaun ne’e hala’o, Dirijente sira partisipa ho máximu hodi kontribui ideia konstrutivu no inspirativu sira tuir experénsia servisu nian, tanba formasaun interativu, formadores aprezenta materia 25% no 75% mai husi ideia Dirijente sira nian.

Hafoin loron dahuluk nian termina, iha loron 25 Marsu 2026, ekipa konjunta kontinua hala’o vizita ba Servisu Munisipál sira-nia edifísiu, hanesan SM Finansas, SM Aprovizionamentu, SM Rekursus Humanus no Servisu Ajénsia Planeamentu Munisipál, parte ida ne’e hodi haree direita programa no atividade ne’ebé kada Servisu Munisipál sira hala’o, reflete ba tarefa servisu ne’ebé iha ona.

#remata.

#mediagatpama2026.