Aileu, 28 Janeiru 2026. Ekipa Avaliasaun Kondisaun Mínima husi Ministériu Administrasaun Estatál – MAE ne’ebé dirije husi DG-INAP “𝐒𝐫. 𝐏𝐨𝐥𝐢𝐜𝐚𝐫𝐩𝐨 𝐁𝐨𝐚𝐯𝐢𝐝𝐚”, akompaña mós husi Xefe ekipa parte Rai-klaran nian ne’ebé toma konta ba Munisípiu Aileu, Ainaro, Manufahi no Covalima ne’ebé mak lidera husi Exelénsia DG-DGL “𝐀𝐧𝐭𝐨𝐧𝐢𝐨 𝐀𝐮𝐠𝐮𝐬𝐭𝐨 𝐆𝐮𝐭𝐞𝐫𝐫𝐞𝐬”, kuarta horseik divulga relatóriu avaliasaun kondisaun mínima ba servisu husi Autoridade Aileu nian ne’ebé mak ekipa nasionál avalia ona iha loron 11 – 17 Dezembru 2025 ne’ebé ho ninia rezultadu atuál mai ho klasifikasaun BOM “valór 77.78%”.
Ho klasifikasaun ida ne’e haktuir ba pontuasaun husi deskrisaun sira hanesan: Dadus Demografia no Monografia, Estrutura Administrativa, Instalasaun no Rekursus Materiál sira, Sistemas Administrativus no Expediente, Planeamentu no Monitorizasaun, Jestaun Finanseira, Aprovisionamentu no Kontratasaun Públika, Rekursus Umanus no inklui Prestasaun Servisu sira.
Entertantu valór ne’ebé dadaun Autoridade Aileu iha ne’e sei iha oportunidade hodi mellora diak liu tan iha tempu tuir mai, tanba tuir kalendáriu fixu S. E. Primeiru-Ministru RDTL “𝐊𝐚𝐲𝐫𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦ã𝐨” sei tun mai observa direita kondisaun real ne’ebé Munisípiu enfrenta, hafoin lori ba diskuti iha Konsellu Ministru ba determina Munisípiu hirak ne’ebé mak sei hakat ba podér lokál iha tinan oin.
PAM – Aileu Exelénsia “𝐉𝐨ã𝐨 𝐁𝐨𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬” agradese ba ekipa Avaliasaun Kondisaun Mínima ne’ebé bele fó sai ona relatóriu husi avaliasaun sira, maske Aileu hetan valór BOM, maibé líder máximu ne’e optimista Aileu tenki hakat hamutuk ho Munisípiu seluk iha primeira faze ba implementasaun podér lokál nian.
Sorin seluk intervensaun husi Exelénsia DG-DGL “𝐀𝐧𝐭𝐨𝐧𝐢𝐨 𝐀𝐮𝐠𝐮𝐬𝐭𝐨 𝐆𝐮𝐭𝐞𝐫𝐫𝐞𝐬” hateten, hanesan kompromisu IX governu nian katak, hakarak ka lakoi antes mandatu IX governu ne’e remata, Munisípiu ida ka rua hakat ona ba podér lokál ou ba faze última desentralizasaun administrativa territoriál. Podér lokál ne’e mandatu fundamentu mai husi konstituisaun RDTL artigu 72., harii kbiit podér lokál ida ho objetivu no reprezentativu, nune’e ita iha lei ba podér lokál.
Tanba livru ba relatóriu avaliasaun kondisaun mínima Autoridade Aileu nian iha ona, nune’e governante ne’e husu ba Dirijente Servisus Munisipais Aileu atu mellora diak liu tan servisu sira hodi hakat ba podér lokál, “iha fulan fevereiru kuandu PM tun mai Munisípiu kaer ho livru ida rezultadu avaliasaun kondisaun, iha livru laran ita-boot sira haree pontus pozitivus, nia forte ne’e iha neʼebé?, frajilidade ne’e iha ne’ebé? no rekomendasoeñs atu hadia hahú fevereiru, marsu ne’e iha neʼebé?. Mais la signifika Aileu BOM ne’e Aileu aat ona lae, Aileu iha forte, forte teb-tebes iha jestaun finansas, planeamentu interna diak, programa merenda eskolár diak., maibé presija hadian buat balu iha prosesu administrativa katak, junta forsa ida liu husi servisu hamutuk hodi lori Aileu ba podér lokál.
Hafoin sorumutu, Exelénsia Diretór Gerál Desentralizasaun no Governu Lokál hamutuk ho Diretór Gerál INAP entrega mós manuál ba relatóriu avaliasaun kondisaun mínima ne’ebé ekipa AKM elabora ona no inklui Tableta unidade 3 ba Autoridade Aileu. Tableta 1 direita ba Servisu Munisipál ONG no Tableta 2 ba Ekipa Portál Munisipál, ho objetivu atu apoiu servisu tékniku no jestaun informasaun ba dadus Munisipál nian.
Haktuir ba ajenda sira, kinta ohin 29 Janeiru 2026, ekipa AKM kontinua hala’o sorumutu ho Autoridade Munisipál Aileu relasiona ho preparasaun sira ba fulan Fevereiru hodi simu vizita husi Primeiru-Ministru RDTL nian., okaziaun ne’e mós ekipa AKM tun direita ba observa Sistema Administrativa husi Servisu Munisipál sira iha Autoridade Aileu, hodi provas katak valór relatóriu avaliasaun tenki kondiz ho situasaun real ne’ebé mak implementa iha baze.
Tan ne’e atividade ne’e hala’o durante loron 2, hahú husi loron 28 – 29 Janeiru 2026, tuir planu husi MAE nian katak, avaliasaun ba faze daruak nian sei kontinua avalia iha fulan Abril tinan 2026.
Atividade ne’e partisipa mós husi Diretores Servisus Munisipais, Delegasaun Territoriais, Administradores Postus, Autoridade Komunitária sira ho Funsionáriu Apoiu Tékniku sira.
Aileu, 19 Janeiru 2026. Estrutura Asosiasaun Futeból Aileu – AFA hamutuk ho ekipa nasionál Federasaun Futeból Timor-Leste, segunda ohin hala’o audénsia ho Exelénsia PAM-Aileu “𝐉𝐨ã𝐨 𝐁𝐨𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬” iha sala VIP-AMA.
Importánsia husi audénsia ne’e maka parte FFTL hakarak relata ba Autoridade Aileu relasiona ho kondisaun ba kampo futeból iha Aileu ne’ebé observasaun jerál seidauk tuir padraun nasionál.
Atu dezenvolve diak liu tan jogu futeból iha Aileu maka Federasaun Futeból Timor-Leste ne’ebé lidera husi “𝐒𝐫. 𝐍𝐢𝐥𝐭𝐨𝐧 𝐓𝐞𝐥𝐦𝐨 𝐆𝐮𝐬𝐦ã𝐨 𝐝𝐨𝐬 𝐒𝐚𝐧𝐭𝐨𝐬” iha ligasaun direita ho 𝘍𝘦𝘥𝘦𝘳𝘢𝘵𝘪𝘰𝘯 𝘐𝘯𝘵𝘦𝘳𝘯𝘢𝘵𝘪𝘰𝘯𝘢𝘭 𝘍𝘰𝘰𝘵𝘣𝘢𝘭𝘭 𝘈𝘴𝘴𝘰𝘤𝘪𝘢𝘵𝘪𝘰𝘯 (FIFA) ho 𝘈𝘴𝘪𝘢𝘯 𝘍𝘰𝘰𝘵𝘣𝘢𝘭𝘭 𝘊𝘰𝘯𝘧𝘦𝘥𝘦𝘳𝘢𝘵𝘪𝘰𝘯 (AFC), atu sira-nia apoiu iha parte finanseira hodi bele hala’o dezenvolvimentu ba kampo futeból, Sabraka-laran Aileu.
PAM orgullu ho planu FFTL nian, maibé bainhira atu hakat ba prosesu implementasaun líder máximu ne’e sei organiza sorumutu Konsellu Konsultivu Munisipál-KKM Extra-Ordináriu hodi aprezenta hikas pedidu importante por eskrita husi FFTL nian ba membru sira, nune’e bele hetan apresiasaun ruma.
Entertantu ligadu ba servisu tékniku nian ba nesesidade rai, FFTL ho parte Terras no Propriedades sei halo levantamentu dadus, molok hakat ba prosesu atribuisaun no “asina nota entendimentu – MoU” ho Autoridade Aileu.
Tempu badak mós parte tékniku sira husi FFTL sei aprezenta ba Autoridade, relasiona ho dezeñu detalladu ba kampo futeból, nune’e bele halo analizasaun ba ambiente reflete ba nesesidade komum, hodi garante dezenvolvimentu ida mak sólidu tuir relasaun fraternidade umana nian.
Aileu-Lequidoe, 15 Dezembru 2025. Ekipa Tékniku ne’ebé kompostu husi Servisu Munisipál PDIM, Servisu Munisipál Ajénsia Fiskalizasaun no Obras Públikas Aileu, segunda horseik, kontinua hala’o monitorizasaun ba projetu 𝗞𝗼𝗻𝘀𝘁𝗿𝘂𝘀𝗮𝘂𝗻 𝗧𝘂𝗿í𝘇𝗺𝘂 𝗕𝗲’𝗲-𝗠𝗮𝗻𝗮𝘀 𝗙𝗮𝘁𝘂𝗿𝗶𝗹𝗮𝘂 ne’ebé responsável husi kompañia Fitun Foun Unipessoal, Lda.
Relembra fali iha loron 05 fulan Dezembru semana kotuk ne’e, Autoridade hala’o enkontru ho kompañia sira hodi relata progresu fíziku ba obra sira iha fulan Novembru nian, nune’e obra ba Turízmu Komunitária Faturilau atinje ona 80,00%.
Entertantu observasaun Tékniku sira nian iha Faturilau, servisu hotu lao ho diak.
Aileu, 01 Dezembru 2025. Sekretáriu ba Asuntu Administrasaun no Finansas “𝐒𝐫. 𝐉𝐨𝐬é 𝐕𝐢𝐜𝐞𝐧𝐭𝐞 𝐕𝐢𝐥𝐚𝐧𝐨𝐯𝐚”, segunda ohin akompaña husi Diretór Sentru Dadus TIC TIMOR, I.P. “𝐒𝐫. 𝐑𝐮𝐬𝐦𝐢𝐧 𝐕𝐢𝐜𝐞𝐧𝐭𝐞 𝐝𝐞 𝐅á𝐭𝐢𝐦𝐚 𝐒𝐨𝐚𝐫𝐞𝐬”, hala’o ona abertura ba formasaun profesionál iha área dijitalizasaun no governu eletrónika nian ba Diretores, Administradores, Funsionáriu Apoiu Tékniku iha Públiku no Ajente Administrasaun Públika sira, durante loron 10, hahú husi 01-10 Dezembru 2025, iha salaun II Autoridade Munisipál Aileu.
Objetivu husi formasaun ne’e maka, TIC TIMOR, I.P hakarak harii fundasaun teknolójiku ne’ebé metin ba lideransa no funsionáriu públiku tomak, hodi halo transformasaun ba teknolójia dijital iha Munisípiu Aileu.
Entertantu durante loron 10 ne’e formandu sira sei aproveita matéria importante sira konsentradu iha prátika, hanesan: Introdusaun Teknolójia Informasaun no Komunikasaun – TIK, Microsoft Word, Microsoft PowerPoint, Microsoft Excel, Cyber Security, Government Email, Transformasaun Teknolójia Dijital no Artifisial Intelejensia.
Formasaun ne’e akompaña mós husi Estudante Estajiadu UNPAZ husi Fakuldade Ciência Sosiais e Humanas no Departamentu Administrasaun Públika.
Aileu, 01 Dezembru 2025. Sekretáriu ba Asuntu Administrasaun no Finansas “𝐒𝐫. 𝐉𝐨𝐬é 𝐕𝐢𝐜𝐞𝐧𝐭𝐞 𝐕𝐢𝐥𝐚𝐧𝐨𝐯𝐚”, segunda ohin iha resintu AMA, sai hanesan Inspetór ba seremónia hasa’e Bandeira RDTL ba semana dahuluk fulan dezembru nian, ne’ebé akompaña husi Sekretáriu Munisipál ba Asuntu PIDI no Sekretáriu ba Asuntu Sosiál no Organizasaun, II Komandante PNTL Aileu ho komitiva, Administrador Postu Aileu-Villa ho Diretor Servisu Munisipál no Delegasaun Territoriál sira hotu.
Entertantu ekipa hasa’e Bandeira responsável husi Funsionáriu DNSPP, Komandante Parada husi Komando PNTL Aileu no responsável ba koru husi Diresaun Obras Públikas Aileu, Server, I.P ho DNTT Munisípiu Aileu.
Serimónia hasa’e Bandeira iha fulan ikus ba tinan 2025 ne’e partisipa mós husi Estudante Estajiadu UNPAZ Fakuldade Ciência Sosiais e Humanas no Departamentu Administrasaun Públika ho Estudante Estajiadu Ensinu Sekundária sira.
Aileu, 28 Novembru 2025.
Ámbitu seremónia ne’e destribui mós prémiu manán nain ba kompetisaun suku saudável nível Munisípiu tinan 2025 nian, ne’ebé mai ho klasifikasaun sira:
I lugar husi Suku Namolesu Postu Administrativu Lequidoe;
II lugar husi Suku Seloi-Malere Postu Administrativu Aileu-Villa; no
III lugar husi Suku Kotolau Postu Administrativu Laulara.
Iha mós sertifikadu apresiasaun ba ekipa júri sira ba avaliasaun kompetisaun suku saudável ne’e rasik.
Hafoin seremónia, kontinua kedas ho jogu futsal no atividade kompetisaun sira hanesan: Halai karoon, Dada-tali no Tata-berlindus hodi komemora tinan 50 Proklamasaun Independénsia Unilaterál Repúblika Demokrátika Timor-Leste ho tema: “𝐐𝐮𝐞 𝐚 𝐜𝐞𝐥𝐞𝐛𝐫𝐚𝐜̧𝐚̃𝐨 𝐝𝐞𝐬𝐭𝐞𝐬 𝟓𝟎 𝐚𝐧𝐨𝐬, 𝐝𝐨 𝐩𝐚𝐬𝐬𝐚𝐝𝐨, 𝐧𝐨𝐬 𝐚𝐬𝐬𝐞𝐠𝐮𝐫𝐞 𝐜𝐨𝐧𝐟𝐢𝐚𝐧𝐜̧𝐚 𝐧𝐨 𝐩𝐫𝐞𝐬𝐞𝐧𝐭𝐞 𝐞 𝐞𝐬𝐩𝐞𝐫𝐚𝐧𝐜̧𝐚 𝐧𝐨 𝐟𝐮𝐭𝐮𝐫𝐨!”.
Aileu, 28 Novembru 2025.
Inspetór ba seremónia ne’e prezide husi Vise Ministru Fortalesimentu Institusionál de Saúde “𝐄𝐱𝐞𝐥é𝐧𝐬𝐢𝐚 𝐉𝐨𝐬é 𝐝𝐨𝐬 𝐑𝐞𝐢𝐬 𝐌𝐚𝐠𝐧𝐨”, hodi le’e diskursu husi Prezidente Repúblika Demokrátika Timor-Leste “𝐒.𝐄. 𝐉𝐨𝐬é 𝐑𝐚𝐦𝐨𝐬-𝐇𝐨𝐫𝐭𝐚” nian ba povu doben Aileu.
Entertantu serimónia ne’e akompaña husi PAM-Aileu “𝐄𝐱𝐞𝐥é𝐧𝐬𝐢𝐚 𝐉𝐨ã𝐨 𝐁𝐨𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬” hamutuk ho Sekretáriu Estadu ba Formasaun Profesionál no Empregu-SEFOPE “𝐄𝐱𝐞𝐥é𝐧𝐬𝐢𝐚 𝐑𝐨𝐠é𝐫𝐢𝐨 𝐀𝐫𝐚ú𝐣𝐨 𝐌𝐞𝐧𝐝𝐨𝐧ç𝐚”, Vise Ministru ba Operasionalizasaun Ospital “𝐝𝐫. 𝐅𝐥𝐚𝐯𝐢𝐨 𝐁𝐫𝐚𝐧𝐝ã𝐨 𝐌𝐞𝐧𝐝𝐞𝐬 𝐝𝐞 𝐀𝐫𝐚ú𝐣𝐨”, Komandante PNTL Aileu ho komitiva, Diretores Nasionais, Diretores Munisipais, Eis-Lider Asentu Parlamentares, Eis-Administrador, Veteranus, Partidu Polítiku, Konviksaun Relijioza, Funsionáriu, Lideransa Komunitária, Estudantes no Povu Aileu.
CTRA realiza Atividade Reflorestasaun hodi Komemora loron Proklamasaun independência ba dala 50 iha Aileu.
Atividade Reflorestasaun né Partisipa Direita husi Vice Ministru Fortalecimentu Institucional Saúde , Presidente Autoridade Munisípiu Aileu, Komandante PNTL Munisípiu Aileu no Entidades relevantes hotu .
fontes : Mamba’e TV
Aileu, 27 Novembru 2025. PAM-Aileu “𝐄𝐱𝐞𝐥é𝐧𝐬𝐢𝐚 𝐉𝐨ã𝐨 𝐁𝐨𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬”, hamutuk ho Vise Ministru Saúde ba Fortalesimentu Institusionál “𝐄𝐱𝐞𝐥é𝐧𝐬𝐢𝐚 𝐉𝐨𝐬𝐞 𝐌𝐚𝐠𝐧𝐨”, Sekretáriu/a Munisipál, Komandante PNTL Aileu ho komitiva, Prezidente CCLN Aileu, Diretores Servisus Munisipais no Delegasaun Territoriais, kinta ohin partisipa iha misa agradesimentu hodi komemora-50 Aniversáriu (28 Novembru 1975 – 28 Novembru 2025) Proklamasaun Independénsia Repúblika Demokrátika Timor-Leste, ne’ebé hala’o iha Igreja Parókia São Pedro no São Paulo Aileu.
Misa agradesimentu ne’ebé prezide husi Padre Pároku SPEPAL “𝐑𝐞𝐯. 𝐉𝐨ã𝐨 𝐅𝐞𝐥𝐢𝐬𝐛𝐞𝐫𝐭𝐨 𝐝𝐨𝐬 𝐒𝐚𝐧𝐭𝐨𝐬 𝐌𝐚𝐫𝐭𝐢𝐧𝐬” no akompaña mós husi Padre Vigáriu SPEPAL “𝐑𝐞𝐯. 𝐂𝐚𝐫𝐥𝐢𝐭𝐨 𝐓𝐞𝐭𝐢 – 𝐋𝐚𝐜𝐚” ba Semana XXXIV iha Tempu Ordináriu ne’e reflete ba:
Leitura I: Daniel (6:12–28)
Salmo Responsoriál: Daniel (3:68–74)
Evanjellu: Lucas (21:20–28(
Hafoin selebrasaun misa, parte Autoridade ho entidade relevante sira kontinua presta omenájen iha Monumentu Prezidente Nicolau Lobato no Ossuáriu “Jardím dos Heróis da Pátria”, Aissirimou, Aileu.
Entertantu serimónia ba loron ohin nian partisipa máximu husi Funsionáriu, Rep. Partidu Polítiku sira, Estudante Ensinu Sekundária, Estudante Universitária no Komunidade En-jerál.
Foto husi Media PNTL Aileu
Aileu, 26 Novembru 2025. Reprezentante PAM liu husi Sekretária Munisipál ba Asuntu PIDI “𝐒𝐫𝐚. 𝐕𝐢𝐜𝐭ó𝐫𝐢𝐚 𝐌𝐞𝐬𝐪𝐮𝐢𝐭𝐚 𝐝𝐨 𝐑ê𝐠𝐨”, hamutuk ho Komandante PNTL Munisípiu Aileu “𝐒𝐮𝐩𝐞𝐫𝐢𝐧𝐭𝐞𝐧𝐝𝐞𝐧𝐭𝐞 𝐒𝐞𝐛𝐚𝐬𝐭𝐢ã𝐨 𝐀𝐥𝐯𝐞𝐬 𝐐𝐮𝐢𝐧𝐭ã𝐨”, Prezidente Komisaun Organizadora “𝐒𝐫. 𝐉𝐨𝐬é 𝐕𝐢𝐜𝐞𝐧𝐭𝐞 𝐕𝐢𝐥𝐚𝐧𝐨𝐯𝐚”, akompaña mós husi reprezentante CCLN iha Aileu ho APA Aileu-Villa, kuarta horseik iha resintu sabraka-laran, hala’o abertura ba feira produtu lokál hodi komemora-50 Aniversáriu (28 Novembru 1975 – 28 Novembru 2025) Proklamasaun Independénsia Repúblika Demokrátika Timor-Leste, ho ninia tema jerál maka: “𝐐𝐮𝐞 𝐚 𝐜𝐞𝐥𝐞𝐛𝐫𝐚𝐜̧𝐚̃𝐨 𝐝𝐞𝐬𝐭𝐞𝐬 𝟓𝟎 𝐚𝐧𝐨𝐬, 𝐝𝐨 𝐩𝐚𝐬𝐬𝐚𝐝𝐨, 𝐧𝐨𝐬 𝐚𝐬𝐬𝐞𝐠𝐮𝐫𝐞 𝐜𝐨𝐧𝐟𝐢𝐚𝐧𝐜̧𝐚 𝐧𝐨 𝐩𝐫𝐞𝐬𝐞𝐧𝐭𝐞 𝐞 𝐞𝐬𝐩𝐞𝐫𝐚𝐧𝐜̧𝐚 𝐧𝐨 𝐟𝐮𝐭𝐮𝐫𝐨!”
Ho feira ida ne’e Autoridade Munisipál kontinua fó valorizasaun hodi hasa’e nafatin grupu agrikultores no grupu kreatividade sira-nia produtu iha Aileu.
Entertantu feira ne’e hala’o tanba hetan finansia husi Autoridade Munisipál no apoiu mós orsamentu balu husi Friends of Aileu-FoA direita ba Centro Treinamento Recursos de Aileu – CTRA, hodi organiza grupu hamutuk 23 ba partisipa iha feira durante loron tolu, hahú husi 26-28 Novembru 2025.
© 2026 Autoridade Munisipal Aileu
