𝐃𝐞𝐥𝐞𝐠𝐚𝐬𝐚𝐮𝐧 𝐏𝐨𝐫𝐭𝐮𝐠𝐚𝐥 𝐀𝐩𝐫𝐞𝐬𝐢𝐚 𝐓𝐞𝐛𝐞𝐬 𝐄𝐬𝐟𝐨𝐫𝐬𝐮 𝐄𝐬𝐤𝐨𝐥𝐚 𝐂𝐀𝐅𝐄 𝐀𝐢𝐥𝐞𝐮 𝐍𝐢𝐚𝐧 𝐈𝐡𝐚 𝐃𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐄𝐝𝐮𝐤𝐚𝐬𝐚𝐮𝐧.

Aileu, 11 Juñu 2026. Exelénsia Prezidente Autoridade Munisípiu Aileu “𝐉𝐨ã𝐨 𝐁𝐨𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬” ho estrutura Autoridade no Komandante PNTL Munisípiu Aileu “𝐒𝐮𝐩𝐞𝐫𝐢𝐧𝐭𝐞𝐧𝐝𝐞𝐧𝐭𝐞 𝐗𝐞𝐟𝐞 𝐀𝐧𝐭ó𝐧𝐢𝐨 𝐝𝐚 𝐋𝐮𝐳, 𝐋𝐢𝐜. 𝐂𝐆”, kinta ohin akompaña Embaixadór Portugal iha Timor-Leste “𝐒𝐫. 𝐃𝐮𝐚𝐫𝐭𝐞 𝐁𝐮é 𝐀𝐥𝐯𝐞𝐬”, hamutuk ho Sekretáriu Estadu Negósiu Estranjeiru no Kooperasaun Portugal “𝐒𝐫𝐚. 𝐀𝐧𝐚 𝐈𝐬𝐚𝐛𝐞𝐥 𝐌𝐚𝐫𝐪𝐮𝐞𝐬 𝐗𝐚𝐯𝐢𝐞𝐫” no Prezidente Konsellu Diretivu Camões, IP “𝐒𝐫𝐚. 𝐅𝐥𝐨𝐫𝐛𝐞𝐥𝐚 𝐏𝐚𝐫𝐚í𝐛𝐚”, hala’o vizita ofisiál ba eskola Centro de Aprendizagem Formação Escolar – CAFE Aileu, hodi observa direita prosesu dezenvolvimentu no kapasitasaun estudante sira nian iha Munisípiu Aileu.

Iha vizita ne’e, estudante sira simu entidade sira ho animasaun no aprezenta buat oioin ne’ebé hatudu sira-nia koñesimentu no kreatividade. Estudante sira halo aprezentasaun dansa hodi haburas atmosfera vizita no hatudu talentu sira iha área arte no kultura.

Aleinde ne’e, estudante sira mós aprezenta rezultadu husi transformasaun material plástiku reutilizável ba sasaan kreatividade no útil, hanesan parte husi edukasaun ambientál no promosaun resiklajen. Atividade ne’e hatudu estudante sira-nia kapasidade atu uza material descartável “materiál ne’ebé ita uza dala ida deit soe tia” hodi kria produtu ne’ebé iha valór.

Sorin seluk iha área siénsia, estudante sira aprezenta materia kimika liuhusi demonstrasaun prátika ne’ebé prepara no hala’o diretamente husi sira rasik ho orientasaun husi profesór sira. Aprezentasaun ne’e hatudu estudante sira-nia kompreensaun ba teoria no prátika siénsia, nomós kapasidade atu aplika koñesimentu ne’ebé aprende iha sala aula.

Vizita ne’e sai hanesan oportunidade importante atu hatudu progresu edukasionál estudante sira no fortalese relasaun entre instituisaun edukasaun, Governu Munisipál Aileu no parseiru dezenvolvimentu sira.

Entretantu momentu kmanek ne’e, Exelénsia Prezidente Autoridade Munisípiu Aileu no Komandante PNTL Munisípiu Aileu hamutuk ho Diretór/a Servisu Munisipál sira, lori mós Delegasaun Portugal sira ba observa direita monumentu masakrados portugueses 1942 nian. Vizita ne’e hala’o hodi rekuiñese valor istóriku monumentu ne’e hanesan símbolu ida husi memória no omenajen ba vítima sira ne’ebé mate durante akontesimentu istóriku iha tinan 1942.

Iha oportunidade ne’e, PAM hato’o informasaun ba Embaixadór Portugal kona-ba esforsu Governu Munisipál nian atu preserva patrimóniu istóriku ne’e., “Iha Planu Asaun Anuál (PAA) Munisípiu Aileu ba tinan 2027, Autoridade preve ona osan natoon hodi hala’o reabilitasaun ba Monumentu Masakrados Portugueses 1942 nian. Tanba reabilitasaun ne’e importante atu asegura monumentu kontinua preservadu di’ak no bele sai fatin edukasaun istórika ba jerasaun foun sira, nomós fatin refleksaun ba komunidade no vizitante sira”.

Delegasaun Portugal apresia inisiativa Governu Munisipál Aileu nian no subliña importánsia preservasaun patrimóniu istóriku hanesan meiu ida atu mantein memória kolektiva no hametin relasaun amizade entre Timor-Leste no Portugal.

#remata

Durante vizita ofisiál ne’e, akompaña mós husi Reprezentante Administrador Postu Administrativu Aileu-Villa, Diretores Servisus Munisipais no Professores husi Eskola COSPEPAL.

#mediagatpama2026.

Aileu, 11 Juñu 2026. Exelénsia Prezidente Autoridade Munisípiu Aileu “𝐉𝐨ã𝐨 𝐁𝐨𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬” ho estrutura Autoridade, kinta ohin akompaña Embaixadór Portugal iha Timor-Leste “𝐒𝐫. 𝐃𝐮𝐚𝐫𝐭𝐞 𝐁𝐮é 𝐀𝐥𝐯𝐞𝐬”, hamutuk ho Sekretáriu Estadu Negósiu Estranjeiru no Kooperasaun Portugal “𝐒𝐫𝐚. 𝐀𝐧𝐚 𝐈𝐬𝐚𝐛𝐞𝐥 𝐌𝐚𝐫𝐪𝐮𝐞𝐬 𝐗𝐚𝐯𝐢𝐞𝐫” no Prezidente Konsellu Diretivu Camões, IP “𝐒𝐫𝐚. 𝐅𝐥𝐨𝐫𝐛𝐞𝐥𝐚 𝐏𝐚𝐫𝐚í𝐛𝐚”, hodi hala’o vizita ba Sentru Agroflorestal Quinta Portugal, ne’ebé lokaliza iha Aldeia Hularema, Suku Seloi-Malere no Postu Administrativu Aileu-Villa.

Hafoin kolleta kafé iha Sentru Agrofloresta Quinta Portugal ne’e, Koordenadór husi Projetu Quinta Portugal “𝐒𝐫. 𝐇𝐮𝐠𝐨 𝐌𝐢𝐠𝐮𝐞𝐥” ho ekipa tékniku sira fó demonstrasaun kona-ba prosesu transformasaun kafe, hahú husi prosesu selesaun, hamaran, tosta no moos kafe to’o prontu ba konsumu.

Durante atividade ne’e, entidade sira hetan oportunidade atu observa diretamente etapa importante sira iha transformasaun kafé no prova rezultadu husi kafé ne’ebé prosesa ona. Demonstrasaun ida ne’e hatudu valór akresidu husi produtu kafé lokál no importánsia husi prosesamentu di’ak atu hasa’e kualidade no valor merkadu kafé iha nível Lokál, Nasionál no Internasionál mós.

Husi vizita ne’e, hetan apresiasaun mós husi bainaka importante sira, tanba esforsu no inovasaun husi ekipa Sentru Agrofloresta Quinta Portugal ne’ebé maka kontinua promove dezenvolvimentu setór kafé no fó kontribuisaun ba melloria ekonomia komunidade no agrikultór sira iha Munisípiu Aileu no imajen Aileu nian ba mundu.

#remata.

#mediagatpama2026.

Aileu, 12/Setembru/2025. PAM-Aileu “𝐄𝐱𝐞𝐥é𝐧𝐬𝐢𝐚 𝐉𝐨ã𝐨 𝐁𝐨𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬”, sexta ohin, hala’o monitorizasaun ba projetu PDIM tinan 2025 ba konstrusaun Postu Saúde iha Suku Seloi-kraik, Postu Administrativu Aileu-Villa no Munisípiu Aileu.

Projetu ne’e responsabiliza husi kompañia Mirol Raefusa, no progresu fíziku ne’ebé asesu husi enjinériu sira iha:

☆Fulan Jullu; 16.08%.

☆Fulan Agostu; 23.04%

Hafoin semana dahikus husi fulan Setembru ida ne’e, kompañia sira sei relata hikas progresu fíziku ba Autoridade Munisipál, tuir progresu ne’ebé hatudu iha terenu.

Iha monitorizasaun ne’e akompaña direita husi Enjinériu PDIM, Funsionáriu Obras Públikas Aileu no inklui Diretor SM Agrikultura ho Funsionáriu sira.

#remata

Aileu, 10/Setembru/2025. PAM-Aileu “𝐄𝐱𝐞𝐥é𝐧𝐬𝐢𝐚 𝐉𝐨ã𝐨 𝐁𝐨𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬”, kuarta ohin, ho ninia monitorizasaun ida ne’e atu observa direita projetu reabilitasaun ba estrada ne’ebé responsável husi kompañia Mortiles Lda.

Progresu fíziku ba projetu ne’e iha:

☆Fulan Jullu atinje 50%

☆Fulan Agostu atinje 52% no ohin

☆Loron 10 fulan Setembru, enjinériu kompañia informa ba PAM katak, progresu fíziku agora dadaun ho ninia pursentu sa’e ona ba 54% [porsentu lima-nulu resin-haat].

Tamba projetu ne’e hahú kedas husi tinan 2024, no agora sei iha ninia kontinuidade iha tinan 2025 nian, PAM husu ba enjinériu no Diretor kompañia atu aumenta forsa traballu “traballadór”, hodi bele aselera lalais projetu ne’ebé lao kleur ona.

Tempu hanesan “𝐄𝐱𝐞𝐥é𝐧𝐬𝐢𝐚 𝐉𝐨ã𝐨 𝐁𝐨𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬” mós husu ba traballadór sira atu servisu ho responsabilidade no kontrolu hamutuk atu garante projetu ne’e nia kualidade, tanba bainhira projetu ne’e finaliza, imi mak sei sai nain no benefísia direita ba imi no komunidade en-jerál.

#remata.

#mediagatpama2025.

Aileu-Aslimhati, 10/Setembru/2025. PAM-Aileu “𝐄𝐱𝐞𝐥é𝐧𝐬𝐢𝐚 𝐉𝐨ã𝐨 𝐁𝐨𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬”, kuarta ohin, hala’o monitorizasaun ba projetu PDIM tinan 2025 ba reabilitasaun irigasaun no barajén protesaun ho distánsia 700 metru ba natar komunidade iha Aslimhati.

Iha loron 28/Agostu/2025, enjinériu husi kompañia Quivan Unipessoal, Lda mai halo aprezentasaun ba progresu fíziku husi fulan Jullu-Agostu ho ninia atinjimentu:

☆Fulan Jullu; 35.71%

☆Fulan Agostu; 46.27%, nune’e ohin

☆Loron 10 fulan Setembru, enjinériu kompañia informa ba PAM katak, progresu fíziku agora dadaun ho ninia pursentu sa’e ona ba 48.27% [porsentu haat nulu resin ualu pontu rua-nulu resin-hitu].

Haree ba porsentu ne’e, PAM husu ba enjinériu ho Diretor kompañia Quivan atu aumenta traballadór, nune’e bele aselera projetu ne’e bele lao ho lais no kualidade diak, tanba tuir tempu kontratu, projetu ne’e tenki finaliza iha fulan Novembru nia laran.

#remata.

#mediagatpama2025.