Aileu, 01/Setembru/2025. Sekretáriu ba Asuntu Administrasaun no Finansas “𝐒𝐫. 𝐉𝐨𝐬é 𝐕𝐢𝐜𝐞𝐧𝐭𝐞 𝐕𝐢𝐥𝐚𝐧𝐨𝐯𝐚”, segunda ohin iha resintu AMA, sai hanesan Inspetór ba seremónia hasa’e Bandeira RDTL ba semana dahuluk fulan setembru nian, ne’ebé akompaña husi Sekretáriu Munisipál, Komandante PNTL Munisípiu Aileu ho komitiva, Administrador Postu Aileu-Villa ho Diretor Servisu Munisipál no Delegasaun Territoriál sira hotu.
Apresia ba Komando PNTL Munisípiu Aileu ba asegura seguransa máximu, durante realizasaun ba seremónia komemora-26 Aniversáriu loron Konsulta Populár iha fatin 2 hanesan; Lebraudu, Suku Seloi-kraik no Ai-toin Leten “Hundolte”, inklui selebra 15 aniversáriu IDN no lansamentu fatuk dahuluk ba konstrusaun Eskola Akademia Militár Konjunta “AMK”. Dehan Inspetór.
Inspetór nemós husu ba Jestór/a sira kontinua presta servisu ho responsabilidade haktuir ba Comprimísio de ondra “𝘊𝘶𝘮𝘱𝘳𝘪𝘳 𝘦 𝘧𝘢𝘻𝘦𝘳 𝘤𝘶𝘮𝘱𝘳𝘪𝘳”.
Ekipa hasa’e Bandeira responsável husi SMA-funsionáriu Guarda Florestál no DNSPP, Komandante Parada husi Komando PNTL Aileu ne’ebé lidera husi Inspetór 𝐂𝐚𝐫𝐥𝐢𝐭𝐨 𝐌𝐨𝐧𝐭𝐞𝐢𝐫𝐨 no responsável ba koru husi Funsionáriu Administrasaun Postu Administrativu Aileu-Villa “Konsellu Suku iha Aileu-Villa”, Servisu Delegasaun Estatístika iha Aileu no Estudante Estajiadu UNTL sira.
