Aileu, 10 Novembru 2025. Prezidente Autoridade Munisípiu Aileu “𝐄𝐱𝐞𝐥é𝐧𝐬𝐢𝐚 𝐉𝐨ã𝐨 𝐁𝐨𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬”, akompaña direita husi Koordenadór ba Enjinériu Obras Destakadu Aileu no Asesór PARTISIPA Destakadu iha MOP Aileu, segunda horseik iha salaun 2 AMA ne’e, hala’o sorumutu ho kontrator sira ne’ebé toma konta ba projetu Obras Públikas tinan 2019-2025 iha Munisípiu Aileu.
Objetivu husi sorumutu ne’e maka, parte Autoridade ho Obras Públikas hakarak atu rona direita progresu fíziku, dejafiu no planeamentu kontrator sira-nian ba futuru, hodi ezekuta obra sira tuir kontratu ne’ebé sira selebra ho governu liu husi Ministériu Obras Públikas.
Tuir progresu fíziku ne’ebé Enjinériu sira asesu liu husi prosesu monitorizasaun ba projetu Obras Públikas “Estradas” tinan 2019-2025 nian ne’ebé implementa iha Aileu, tuir pursentu atuál ba;
#. Projetu tinan 2019:
1. Taliforleu- Kolihoho, 0+000-8+000, kompañia Caviq Unip Lda JV Sunnines Unip. Lda, 98%
#. Projetu tinan 2021:
1. Seloi Craic-Halalmeta, 0+000 – 3+500, kompañia Aileu ba Oin Unip. Lda, 85.48%.
2. Fahisoi-Dairlouta, 0+000-5+000, kompañia Raco Lda, 90.09%
3. Taliforleu-Kolihoho, 0+000-2+000, kompañia Lng Unip. Lda, 15%
4. Taliforleu-Kolihoho, 2+000-5+000, kompañia Saksaur Unip. Lda, 39%
5. Taliforleu-Kolihoho, 5+000-8+000, kompañia Saksaur Unip. Lda, 32%
6. Raimansu-Fatubesi, 0+000-5+200, kompañia Raco Lda, 59%
7. Namolesso-Faturilau, 0+000-14+000, kompañia Lng Unip. Lda, 51%
#. Projetu tinan 2025:
1. New Construction of Gabion in Liurai River, kompañia Taoid, Unip. Lda, 14%
2. Konstrusaun Moru Protesaun no Estrutura Retensaun ba Ponte Daisoli, kompañia Donald Unip. Lda, 40.38%
3. Obra Konstrusaun Plump Concrete & Stone Masonry, Pipe Culvert Lixo Fatin Aileu Bandudato, kompañia Patmilar Unip. Lda, 66.29%
#. Pakote estrada tinan 2025:
1. Mantane-Maurussa, 0+000 – 2+000 (Pakote 1). Kompañia Generoso Unip. Lda, 7.23%
2. Mantane-Maurussa, 2+000 – 4+000 (Pakote 4). Kompañia Casa Vitoria Unip. Lda, 42.02%
3. Solerema-Bocolelo, 0+000 – 3+000 (Pakote 1). Kompañia Kakuluk Service Unip. Lda, 24.60%
4.Solerema-Bocolelo, 3+000 – 6+000 (Pakote 2). Kompañia Recontama Unip. Lda JV Lavijo unip lda, 18.40%
5. Solerema-Bocolelo, 6+000 – 9+000 (Pakote 3). Kompañia Denbibar Unip. Lda, 36.33%
6.Solerema-Bocolelo, 9+000 – 12+000 (Pakote 4). Kompañia Jomafzerdo Unip. Lda, 30.66%
7. Solerema-Bocolelo, 12+000 – 14+000 (Pakote 5). Kompañia Hatutan Moris Unip. Lda, 18.45%
=========
Haktuir ba rezultadu progresu fíziku espesiál ba “projetu tinan 2019-2021 ne’ebé to’o agora seidauk finaliza hela deit”, kontrator balu nia razaun maka, problema iha parte ekipamentu, finanseira, mobilizasaun material tenki hetan lisensiamentu hotu no ikus mak problema rekursu umanu “traballadór sira, tanba asuntu familiar liga ba parte kultura nian, “LIA balu traballadór sira abandona tia sira-nia servisu durante loron 4 ou bele liu husi ne’e, no ida ne’e difikulta tebes planeamentu husi kontrator sira nian”.
Hatan ba razaun no preukupasaun kontrator sira-nian ne’e, PAM “𝐄𝐱𝐞𝐥é𝐧𝐬𝐢𝐚 𝐉𝐨ã𝐨 𝐁𝐨𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬” hateten, durante ne’e laiha kompañia responsável ba projetu Obras Públikas iha Aileu ida mak mai hasoru Autoridade hodi aprezenta dejafiu ne’ebé imi enfrenta iha baze, “tuir loloos problema mobilizasaun traballadór ne’e laos buat todan ida, soké imi menus konsiderasaun, koordenasaun no kooperasaun diak ho parte Autoridade”.
“Maske kontratu imi selebra iha nasionál, maibé implementasaun obra iha área jurídika Autoridade Aileu nian, no benefísiu bo’ot ne’e ba dunik povu ida Aileu ne’e, Autoridade iha kompeténsia bo’ot hodi halo intervensaun haktuir ba Decreto-Lei N.º 84/2023 de 23 de novembro Procede à 5.ª alteração ao Decreto-Lei n.º 3/2016, de 16 de março, sobre o Estatuto das Administrações Municipais, das Autoridades Municipais e do Grupo Técnico Interministerial para a Descentralização Administrativa. Husu kompañia sira atu halo reflesaun ba failansu no hadia aan ba futuru, Timor-Leste agora sai ona membru ASEAN, kompetisaun sei sae maka’as iha ita-nia Nasaun, karik hahalok sira laiha mudansa oinsá mak ita bele promove malu!”. PAM fortifika.
Lider máximu iha Munisípiu ne’e subliña, Autoridade nafatin ezije atu tempu badak ita-boot sira tenki finaliza hikas obra hirak ne’ebé lao kleur ona iha Aileu, atu nune’e labele implika Planu Dezenvolvimentu Munisípiu nian iha tinan hirak tuir mai.
Entertantu kontrator balu ne’ebé horseik la partisipa iha sorumutu ne’e maka hanesan: LNG Unip. Lda no Hatutan Moris Unip. Lda.
