Aileu, 11 Novembru 2025. PAM-Aileu “𝐄𝐱𝐞𝐥é𝐧𝐬𝐢𝐚 𝐉𝐨ã𝐨 𝐁𝐨𝐬𝐜𝐨 𝐒𝐚𝐧𝐭𝐨𝐬”, akompaña husi Diretór Nasionál PIDI, Sekretária Munisipál ba Asuntu Planeamentu Investimentu no Dezenvolvimentu Integradu – PIDI, hamutuk ho Diretores Servisus Munisipais, Administrador Postu, Koordenadór UNDP no Autoridade Komunitária sira, tersa ohin iha salaun I AMA, akompaña direita Diretór no Enjinériu kompañia sira hala’o aprezentasaun ba progresu fíziku husi Projetu PDIM 6 ba tinan 2025 no Projetu 2 husi parseria UNDP ba tinan 2024 – 2025 iha Munisípiu Aileu.
Hafoin abertura sorumutu husi PAM “𝐄𝐱𝐞𝐥é𝐧𝐬𝐢𝐚 𝐉𝐨ã𝐨 𝐁𝐨𝐬𝐜𝐨 𝐒𝐚𝐧𝐭𝐨𝐬”, kontinua kedas ho:
#. Aprezentasaun progresu fíziku ba projetu PDIM 6 tinan 2025 nian, ba komparasaun entre fulan Setembru no Outubru:
01. Projetu ho Kategoria B “𝗥𝗲𝗮𝗯𝗶𝗹𝗶𝘁𝗮𝘀𝗮𝘂𝗻 𝗜𝗿𝗶𝗴𝗮𝘀𝗮𝘂𝗻 𝗻𝗼 𝗕𝗮𝗿𝗮𝗷é𝗻 𝗣𝗿𝗼𝘁𝗲𝘀𝗮𝘂𝗻 𝟳𝟬𝟬𝗠 𝗯𝗮 𝗡𝗮𝘁𝗮𝗿 𝗔𝘀𝗹𝗶𝗺𝗵𝗮𝘁𝗶”; responsável husi kompañia Quivan Unipessoal, Lda ho progresu fíziku ho ninia atinjimentu iha:
Fulan Setembru: 60.91%
Fulan Outubru: 64.45%
02. Projetu ho Kategoria A “𝗞𝗼𝗻𝘀𝘁𝗿𝘂𝘀𝗮𝘂𝗻 𝗕𝗮𝗿𝗲𝗶𝗿𝗮 𝗦𝗮𝘁𝗮𝗻 𝗠𝗼𝘁𝗮 𝗯𝗮 𝗘𝘀𝗸𝗼𝗹𝗮, 𝗠𝗲𝗿𝗸𝗮𝗱𝘂 𝗻𝗼 𝗞𝗼𝗺𝘂𝗻𝗶𝗱𝗮𝗱𝗲 𝗕𝗮𝗶𝗿𝘂 𝗟𝗼𝗸𝗺𝗮𝗶𝗹𝘂𝗹𝘂 / 𝗣𝗼𝘀𝘁𝘂 𝗥𝗲𝗺𝗲𝘅𝗶𝘂”; responsável husi kompañia Kuilelo Unipessoal Lda ho progresu fíziku ho ninia atinjimentu iha:
Fulan Setembru: 38.54%
Fulan Outubru: 38.54%
03. 𝗞𝗼𝗻𝘀𝘁𝗿𝘂𝘀𝗮𝘂𝗻 𝗣𝗼𝘀𝘁𝘂 𝗦𝗮ú𝗱𝗲 𝗶𝗵𝗮 𝗦𝗲𝗹𝗼𝗶-𝗞𝗿𝗮𝗶𝗸; responsável husi kompañia Mirol Raefusa Unipessoal, Lda ho progresu fíziku ho ninia atinjimentu iha:
Fulan Setembru: 37.50%
Fulan Outubru: 47.31%
04. 𝗞𝗼𝗻𝘀𝘁𝗿𝘂𝘀𝗮𝘂𝗻 𝗕𝗮𝗿𝗲𝗶𝗿𝗮 𝗦𝗮𝘁𝗮𝗻 𝗥𝗮𝗶 𝗯𝗮 𝗘𝗱𝗶𝗳í𝘀𝗶𝘂 𝗔𝗣𝗔 𝗟𝗲𝗾𝘂𝗶𝗱𝗼𝗲; responsável husi kompañia NorthlandMasha Unipessoal, Lda ho progresu fíziku ninia atinjimentu iha:
Fulan Setembru: 80.00%
Fulan Outubru: 97.00%
05. 𝗞𝗼𝗻𝘀𝘁𝗿𝘂𝘀𝗮𝘂𝗻 𝗣𝗼𝘀𝘁𝘂 𝗦𝗮ú𝗱𝗲 𝗶𝗵𝗮 𝗕𝗼𝗸𝗼𝗹𝗲𝗹𝗼; responsável husi kompañia Anosel Unipessoal, Lda ho progresu fíziku ninia atinjimentu iha:
Fulan Setembru: 58.49%
Fulan Outubru: 78.54%
06. 𝗞𝗼𝗻𝘀𝘁𝗿𝘂𝘀𝗮𝘂𝗻 𝗧𝘂𝗿í𝘇𝗺𝘂 𝗕𝗲’𝗲-𝗠𝗮𝗻𝗮𝘀 𝗙𝗮𝘁𝘂𝗿𝗶𝗹𝗮𝘂; responsável husi kompañia Fitun Foun Unipessoal, Lda ho progresu fíziku ninia atinjimentu iha:
Fulan Setembru: 51.55%
Fulan Outubru: 69.96%
#. Aprezentasaun progresu fíziku ba projetu 2 UNDP nian husi 2024-2025, ba komparasaun entre fulan Setembru no Outubru:
01. 𝗥𝗲𝗮𝗯𝗶𝗹𝗶𝘁𝗮𝘀𝗮𝘂𝗻 𝗘𝘀𝘁𝗿𝗮𝗱𝗮 𝗛𝗹𝗮𝗹𝗺𝗲𝘁𝗮-𝗧𝗮𝗯𝘂𝗹𝗮𝘀𝗶 𝗵𝗼 𝗗𝗶𝘀𝘁𝗮𝗻𝘀𝗶𝗮 𝟯+𝟮𝟯𝟮 𝗸𝗺; responsável husi kompañia Mortiles Lda ho progresu fíziku ninia atinjimentu iha:
Fulan Setembru: 54.00%
Fulan Outubru: 64.00%
02. 𝗥𝗲𝗮𝗯𝗶𝗹𝗶𝘁𝗮𝘀𝗮𝘂𝗻 𝗘𝘀𝘁𝗿𝗮𝗱𝗮 𝗟𝗲𝗸𝗶𝗹𝗮𝘂𝗸𝗮𝗻𝗮 𝗯𝗮 𝗛𝗼𝗵𝗼𝗹𝗲𝘁𝗲 “𝗙𝗮𝘁𝘂𝗯𝗼𝘀𝗮”; responsável husi kompañia Miglen Unipessoal, Lda ho progresu fíziku ninia atinjimentu iha:
Fulan Setembru: 32.00%
Fulan Outubru: 39.89
=========
Durante prezentasaun progresu fíziku husi Enjinériu kompañia sira ne’e, kompañia balu relata mós dejafiu sira relasiona ho menus traballadór, kestaun material no natureza”.
Intervensaun PAM ba preukupasaun husi kompañia sira katak, kada fulan ita sempre hala’o sorumutu hodi bele akompaña progresu fíziku ba obra implementasaun iha terenu, iha parte balu mak ita tolera imi-nia preukupasaun sira relasiona ho natureza “tempu udan prejudika servisu”, maibe parte seluk ita la tolera maka imi-nia preukupasaun sira kada fulan sempre temi failla iha traballadór no material.
“Inísiu asina kontratu ne’e imi prontu atu ezekuta obra sira, maibé enfrenta ona dejafiu balu sempre mai ho razaun sira, ida ne’e ita sei la tolera”. Hateten PAM.
Obra 6 husi PDIM no 2 husi UNDP deit mak kompañia balu laiha kapasidade atu ezekuta ona, sa tan tinan 2026 ita sei iha projetu hamutuk 25 kedas. “Liga ho ida ne’e oportunidade ba imi atu partisipa iha prosesu pré-kualifikasaun, maibé ita sei kaer mós ba avaliasaun dezempeñu, tanba agora dadaun ita-nia observasaun ne’e katak imi mak hakarak fo todan ba imi rasik nia aan iha futuru”. PAM fortifika.
Tempu hanesan lider máximu subliña, hanesan ezekutor tenki koordena no komunika ho Administradór Postu, Xefe Suku no liu-liu tékniku husi PDIM nian “bainhira tékniku responsável obra rekomenda kestaun balu iha imi-nia livru vizita ne’e, signifika buat balu lao laloos no ida ne’e imi tenki halo tuir dunik tanba ita presija lao tuir dezeñu no BoQ ne’ebé iha ona”.
Ita preukupa tebes ho obra sira tanba ida ne’e anuál laos multi-anuál nune’e husu ba kompañia sira aselera servisu iha fulan ida ne’e nia laran “iha fulan ida ne’e ita hakarak progresu servisu tenki aselera hodi atinje 90% antes tama ba fim do ano, kestaun obra anuál ita labele extende too fulan Marsu ou Abril”. PAM konklui.
=========
Entertantu rezultadu husi enkontru ne’e, kompañia sira sei kontinua esforsu hodi finaliza projetu sira reflete ba progresu atuál, no parte Autoridade mós nafatin apoiu sira iha situasaun saida deit mak dalaruma sira enfrenta haktuir ba ambiente iha terenu “exeptu kapasidade finanseira”.
Semana dahikus kada mensal Autoridade Munisipál liu husi SM-PDIM nafatin konvida kompañia sira atu mai aprezenta progresu fíziku ba obra PDIM no UNDP-GCF, no sorumutu tuir mai sei hala’o nafatin iha semana dahikus fulan Novembru nian iha salaun AMA.
Sorumutu ne’e partisipa husi Diretores Servisus Munisipais hanesan, PDIM, Ajénsia Fiskalizasaun, Agrikultura, Saúde no Delegasaun Obras Públikas, akompaña mós husi Administrador Postu Aileu-Villa, Lequidoe, Remexio, Autoridade Komunitária husi Seloi-kraik, Hoholau, Karahili no inklui funsionáriu apoiu tékniku ho estudante estajiadu ensinu sekundária sira.
