Aileu, 10 Novembru 2025. PAM-Aileu “𝐄𝐱𝐞𝐥é𝐧𝐬𝐢𝐚 𝐉𝐨ã𝐨 𝐁𝐨𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬”, segunda ohin iha resintu AMA, sai hanesan inspetór ba seremónia hasa’e Bandeira RDTL ba semana dahuluk fulan Novembru nian, ne’ebé akompaña husi Sekretáriu/a Munisipál, Komandante PNTL Munisípiu Aileu ho komitiva, Administrador husi Postu, Diretor Servisu Munisipál no Delegasaun Territoriál sira hotu.

Diskursu inspetór, ba seremónia loron ohin nian, kontinua husu ba funsionáriu en jerál atu mantein dixiplina no pontualidade iha tempu servisu, haktuir ba dever jerál ne’ebé hatuur ona iha lei funsaun públika nian.

Parte seluk Inspetór relata mós programa governu nian, relasiona ho seremónia lansamentu projetu reabilitasaun estrada Seloi-kraik, Aileu liga Tokoluli, Ermera ne’ebé lansa ona iha loron 2 liubá.

“Laos ida ne’e deit, maibé tempu badak IX governu konstitusional liu husi Ministériu Obras Públikas sei lansa mós estrada urbana sira iha parte Aileu-Villa nian, inklui prosesu preparasaun ba harii Edifísiu Kâmara Munisipál iha Aissirimou, Aileu”. Inspetór konklui.

#remata.

Entertantu ekipa hasa’e Bandeira responsável husi DNSPP, Komandante Parada husi Komando PNTL Aileu no responsável ba koru husi Servisu Notariadu no Kadastrais, STAE no Diresaun STPSC.

Seremónia refere partisipa máximu husi Funsionáriu no Estudante Estajiadu husi Ensinu Sekundária sira.

#mediagatpama2025.