Enkontru ba loron ohin nian membru KKM sira, kompostu husi Autoridade Komunitária husi Suku 35, Konviksaun Relijioza, Reprezentante Juventude, Reprezentante FADA, Reprezentante Partidu Polítiku sira no Reprezentante Veteranus, hala’o diskusaun ho hanoin konstrutivu ba PDM no Ezbosu PDM nian.

Sesaun abertura husi Prezidente KKM konsiente enkontru ne’e importante tebes, nune’e nia husu ba membru sira atu tau importánsia ho hanoin hamutuk hodi mellora no dezenvolve diak liu tan ezbosu refere, tanba ezbosu ne’e rasik estabelese iha tinan 2024, dezenvolve iha tinan 2025, mellora iha tinan 2026, mellora ho regulamentu iha tinan 2027, dezenvolve no melloramentu iha tinan 2028 no rezultadu sira sei hatudu iha tinan 2029-2030. Hateten Prezidente KKM.

Ezbosu ne’e kompostu husi Pilár; 4 no Sub-pilár; 20, hanesan;

𝟎𝟏. 𝐏𝐢𝐥𝐚𝐫 𝐃𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐊𝐚𝐩𝐢𝐭á𝐥 𝐒𝐨𝐬𝐢á𝐥:

》Edukasaun, Formasaun/Treinamentu;

》Dezenvolvimentu Juventude no Desportu;

》Dezenvolvimentu Saúde;

》Inkluzaun Sosiálno Igualdade Jéneru;

》Meiu Ambiente; no

》Kultura no Eransa/Patrimóniu.

𝟎𝟐. 𝐏𝐢𝐥𝐚𝐫 𝐃𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐛𝐚 𝐈𝐧𝐟𝐫𝐚𝐞𝐬𝐭𝐫𝐮𝐭𝐮𝐫𝐚 𝐁á𝐳𝐢𝐤𝐚:

》Estradas, Pontes no Kontrolu Seias;

》Bee-moos no Saneamentu;

》Eletrisidade;

》Transporte Terrestre; no

》Telekomunikasaun.

𝟎𝟑. 𝐏𝐢𝐥á𝐫 𝐃𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐛𝐚 𝐄𝐤𝐨𝐧ó𝐦𝐢𝐚:

》Dezenvolvimentu Rurál;

》Dezenvolvimentu Agrikultura, Peska, Pekuária no Floresta;

》Turízmu;

》Komérsiu no Indústria;

》Investimentu Setór Privadu; no

》Setór Kooperativa.

𝟎𝟒. 𝐊𝐚𝐩𝐢𝐭á𝐥 𝐃𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐈𝐧𝐬𝐭𝐢𝐭𝐮𝐬𝐢𝐨𝐧á𝐥:

》Padraun Institusionál Governasaun Lokál;

》Jestaun Rekursu Humanu Governu Lokál;

》Sistema no Prosedimentu; no Administrativu Governu Lokál.

=========

Okaziaun ne’e kontinua ho aprezentasaun no diskusaun reflete ba ajenda úniku hanesan:

#. Planu Dezenvolvimentu Munisipál-PDM (Diskute Símbolu Aileu “𝐀𝐢-𝐤𝐥𝐞𝐮𝐤 𝐡𝐚𝐭𝐮𝐮𝐫 𝐢𝐡𝐚 𝐦𝐚𝐩𝐚 𝐀𝐢𝐥𝐞𝐮 𝐧𝐢𝐚 𝐥𝐞𝐭𝐞𝐧” no Lema Aileu “𝐌𝐚 𝐈𝐭 𝐅𝐮𝐭 𝐓𝐥𝐨 𝐈𝐭 𝐑𝐚𝐞𝐧 𝐀𝐢𝐥𝐞𝐮𝐧”, membru maioria fo votus afavor ba símbolu no lema ne’ebé aprezenta, no futuru Autoridade Munisipál, Postu to’o Suku sei utiliza símbolu no lema ne’ebé deside hamutuk ona. Tempu hanesan foká kedas ba,

#. Matrix ou Ezbosu Planu Dezenvolvimentu Munisipál-PDM Aileu nian husi tinan 2025-2030″. Rezultadu husi diskusaun ne’e maka membru sira vota,

Afavor : 30

Kontra: 0

Abstensaun: 0

=========

Ezbosu ne’ebé ho maioria aprova ona iha KKM ne’e, Autoridade sei hala’o konsulta públiku, depois enkamiña ba MAE no sei hetan aprovasaun final iha Konsellu Ministru, hafoin Autoridade Munisipál sei prodúz sai ba manuál hodi destribui ba Postu no Suku sira iha Munisípiu Aileu.

=========

Sesaun enseramentu Prezidente KKM agradese tebes ba membru hotu nia pasiénsia hodi diskute ona PDM ba tinan 5 nian, no Nai nafatin haraik bensaun no akompaña membru hotu atu fila ba uma ho diak.

#remata.

Enkontru ne’e partisipa husi Rep. Diretor Jerál ba Dezenvolvimentu Lokál, APA husi Postu 4, Rep. Komandante PNTL Munisípiu Aileu, Diretor Servisu Munisipál, Delegasaun Territoriál no Funsionáriu Apoiu Tékniku sira.

#mediagatpama2025.