Servisu Munisipál Administrasaun no Rekursu Umanu

Profile Servisu Munisipál Administrasaun no Rekursu Umanu

Servisu Munisipál Administrasaun no Rekursu Umanu mak servisu Autoridade Munisipál nian ne’ebé nia misaun mak atu asegura apoiu tékniku no administrativu ba Prezidente Autoridade Munisipál no ba órgaun servisu sira seluk Autoridade Munisipál nian ne’ebé integra iha área administrasaun jerál, jestaun dokumentu, jestaun rekursu umanu, teknolojia informasaun, koordenasaun sistema internu no interna arkivu no protokolu.

Tarefas no area servisu iha Diresaun Servisu Munisipál Administrasaun no Rekursus Umanus

Haktuir ba Diploma Ministerial n^o. 85/2023, de 29 Dezembru, Estabelecimento dos serviços municipais das autoridades municipais e definição da respetiva organização e funsionamento.

Diretor Servisu Munisipál Administrasaun no Rekursus Umanus:

1.Servisu Munisipál sira ezekuta polítika governamentál sira iha sira-nia área kompeténsia nia laran, ho orientasaun hosi Prezidente Autoridade Munisipál.

2.Servisu Munisipál sira hotu nia knaar inklui:

a) Atu propoin ba Prezidente Autoridade Munisipál kona-ba respetivu Planu Asaun Anuál, Orsamentu Anuál, Planu Aprovizionamentu no Planu Kapasitasaun Anuál ba Rekursu Umanu;

b) Halo monitorizasaun no avaliasaun ba atividade hotu-hotu ne’ebé dezenvolve iha area ​​funsionál respetiva;

c) Halo fiskalizasaun no avaliasaun ba ezekusaun no impaktu hosi polítika públika no programa governamentál sira ne’ebé afeta respetiva área funsionál;

d) Aprezenta ba Prezidente Autoridade Munisipál relatóriu trimestrál, semestrál no anuál kona-ba progresu ezekusaun fízika no finanseira hosi respetivu Planu Asaun Anuál;

e) Aprezenta ba Prezidente Autoridade Munisipál relatóriu mensál, trimestrál, semestrál no anuál kona-ba ezekusaun Orsamentu respetivu;

f) Submete ba Prezidente Autoridade Munisipál relatóriu trimestrál, semestrál no anuál kona-ba ezekusaun Planu Kompras respetivu;

g) Submete ba Prezidente Autoridade Munisipál relatóriu trimestrál, semestrál no anuál kona-ba ezekusaun Planu Formasaun Rekursu Umanu respetivu;

h) Garante konservasaun no kondisaun di’ak ba mobiliáriu, materiál, ekipamentu, teknolojia no veíkulu sira Estadu nian ne’ebé atribui ba nia;

i) Organiza no mantein arkivu ida kona-ba prosesu administrativu sira no dokumentu sira ne’ebé prosesa tiha ona.

3.Servisu Munisipál sira tenke informa semestrál ba Prezidente Autoridade Munisipál kona-ba adekuasaun rekursu umanu ne’ebé atribui ba sira hodi ezersísiu ida-idak nia kompeténsia, liuliu kona-ba sira-nia númeru, kualifikasaun akadémika no esperiénsia profisionál.

Chefe Departamento de Recursos Humanos:

Kna’ar Departamentu Rekursus Umanus nian, iha área jestaun rekursu umanu  mak hanesan:

a) Atu koordena prosesu sira preparasaun no atualizasaun ba karta pesoál Autoridade Munisipál ka Administrasaun Munisipál nian, tuir kazu ne’ebé iha;

b) Organiza, mantein atualizadu no asegura arkivu individuál no rejistu biográfiku sira hosi funsionáriu no ajente sira Administrasaun Públika nian ne’ebé hala’o funsaun iha Autoridade Munisipál;

c) Halo integrasaun, fiskalizasaun ba funsionáriu sira ne’ebé hala’o funsaun iha Autoridade Munisipál, tuir instrusaun husi Prezidente Autoridade Munisipál;

d) Estabelese no ezekuta prosedimentu sira ba rejistu no aprovasaun ba substituisaun, transferénsia, destakamentu, prezensa no kontrolu pontualidade, justifikasaun ba auzénsia, autorizasaun ba lisensa, atribuisaun no pagamentu ba subsídiu no suplementu sira ne’ebé legalmente prevee ba rekursu umanu Estadu nian;

e) Prepara dokumentasaun relasiona ho asinatura kontratu traballu ho prazu determinadu;

f) Fó hatene ba Departamentu Finansas Munisipál kona-ba auzénsia, lisensa, no férias husi funsionáriu no ajente sira administrasaun públika nian ne’ebé hala’o funsaun iha Autoridade Munisipál, ho objetivu atu prepara lista saláriu mensál;

g) Prepara oráriu férias anuál ba funsionáriu no ajente sira Administrasaun Públika nian ne’ebé hala’o funsaun iha Autoridade Munisipál;

h) Ezekuta, tuir tempu, prosedimentu avaliasaun dezempeñu nian ba rekursus umanus Autoridade Munisipál nian;

i) Prepara no submete ba aprovasaun Prezidente Autoridade Munisipál nian deskrisaun tarefa sira ne’ebé atu hala’o ba kada funsionáriu Autoridade Munisipál nian;

j) Promove integrasaun perspetiva jéneru nian iha servisu munisipál sira, tuir Planu Asaun Munisipál ba Asuntu Jéneru nian;

k) Prepara, iha koordenasaun ho Servisu Munisipál sira seluk, Planu Formasaun Anuál ba Rekursu Umanu Autoridade Munisipál nian no submete ba aprovasaun Prezidente Autoridade Munisipál nian;

l) Garante aplikasaun no kumprimentu kuadru legál funsaun públika nian no hato’o ba superiór sira kona-ba akontesimentu faktu sira ne’ebé bele konstitui ofensa dixiplinár;

m) Hala’o kna’ar jestaun rekursu umanu sira seluk ne’ebé superiór sira fó ba nia no ne’ebé la monu iha responsabilidade órgaun ka servisu seluk Autoridade Munisipál nian.

Chefe Departamento de Expediente, Informática, Protocolo e Arquivo:

1.Kna’ar iha área administrasaun jerál, jestaun dokumentu, no arkivu, maka:

a) Organiza no prosesa prosesu administrativu hotu-hotu ne’ebé la tama iha kompeténsia servisu munisipál seluk nian;

b) Divulga lejislasaun no regulamentu internu Autoridade Munisipál nian ba servisu munisípiu hotu-hotu;

c) Halo rejistu no arkiva despaxu sira, orden servisu nian, no avizu sira Autoridade Munisipál nian;

d) Simu, klasifika, rejista, fahe, no arkiva korespondénsia servisu munisipál sira-nian;

e) Halo preparasaun relatóriu no fó paresér kona-ba matéria administrasaun jerál no jestaun dokumentu Autoridade Munisipál nian;

f) Fó lalais esklaresimentu no informasaun ne’ebé superiór sira husu kona-ba sira ida-idak nia atividade;

g) Hala’o kna’ar eskritóriu jerál seluk, jestaun dokumentu, ka arkivamentu ne’ebé superiór sira fó no ne’ebé la tama iha responsabilidade órgaun ka servisu Autoridade Munisipál seluk nian.

2. Tuir mai kna’ar iha ámbitu teknolojia informasaun nian:

a) Garante dezenvolvimentu sistema informasaun Autoridade Munisipál nian no jestaun ba ninia ekipamentu, sistema informátiku no sistema komunikasaun ida-idak;

b) Estuda impaktu hosi sistema no teknolojia informasaun sira iha organizasaun serbisu no sistema organizasaun nian no propoin medida apropriadu sira ba introdusaun inovasaun sira iha organizasaun no funsionamentu servisu sira no ba formasaun utilizadór sira ekipamentu informátiku nian;

c) Partisipa iha dezenvolvimentu no introdusaun teknolojia WEB (internet no intranet) iha Autoridade Munisipál;

d) Asegura aplikasaun mekanizmu seguransa, konfidensialidade, no integridade ba informasaun ne’ebé rai, prosesa, no transporta iha sistema prosesamentu no rede komunikasaun;

e) Jere no dokumenta konfigurasaun sira no mantein instalasaun, operasaun, no utilizasaun arkivu memória sira hosi sistema no software atualizadu;

f) Dezenvolve no divulga matadalan ba utilizasaun no promove formasaun utilizadór ba ekipamentu no sistema informátiku sira Autoridade Munisipál nian;

g) Hala’o kna’ar sira seluk iha ámbitu teknolojia informasaun nian ne’ebé superiór sira fó ba nia no ne’ebé la tama iha responsabilidade órgaun ka servisu seluk Autoridade Munisipál nian.

3. Kna’ar iha área sistema komunikasaun internu no esternu nian mak hanesan:

a) Simu no rejista, iha rejistu hatama dokumentu, pedidu, petisaun no komunikasaun eskrita ruma, iha surat tahan ka eletróniku, dirijidu ba Prezidente Autoridade Munisipál, ba Sekretáriu Munisipál, ka ba kualkér órgaun ka servisu Autoridade Munisipál nian;

b) Atu fahe pedidu, petisaun, no komunikasaun eskrita ruma, iha surat tahan ka eletróniku, no mós despaxu no pedidu servisu husi Prezidente Autoridade Munisipál no Sekretáriu Munisipál, ba ida-idak nia destinatáriu;

c) Rekoñese simu, rejista iha rejistu hatama dokumentu, no enkamiña ba órgaun ka servisu kompetente sira, tuir matéria, komunikasaun sira ne’ebé Autoridade Munisipál simu, eletróniku;

d) Atu hala’o kna’ar sira seluk iha ámbitu sistema komunikasaun internu no esternu ne’ebé superiór sira fó ba nia no ne’ebé la monu iha responsabilidade órgaun ka servisu seluk Autoridade Munisipál nian.

4.Kna’ar sira iha área protokolu nian, maka:

a) Atu garante servisu akollimentu ba vizitante sira husi Autoridade Munisipál;

b) Garante relasaun públika Autoridade Munisipál nian;

c) Prepara no fahe, entre órgaun komunikasaun sosiál sira no profisionál sira, informasaun kona-ba inisiativa no atividade sira ne’ebé atu hala’o ka hala’o tiha ona hosi Autoridade Munisipál;

d) Organiza no jere arkivu informasaun ne’ebé meius komunikasaun sosiál habelar kona-ba atividade Autoridade Munisipál nian;

e) Formula no hato’o ba Prezidente Autoridade Munisipál atu hetan aprovasaun kona-ba regra protokolu ba eventu no serimónia ofisiál sira ne’ebé Autoridade Munisipál iha responsabilidade atu organiza, hodi konsidera regra sira ne’ebé aprova ona ba eventu no serimónia ofisiál nasionál sira;

f) Propoin ba Prezidente Autoridade Munisipál kompozisaun komisaun organizadora sira ba eventu no selebrasaun ofisiál sira-ne’ebé nia organizasaun sai responsabilidade ba Autoridade Munisipál;

g) Propoin ba Prezidente Autoridade Munisipál orsamentu ba despeza sira-ne’ebé mosu hosi organizasaun eventu no selebrasaun ofisiál sira-ne’ebé nia organizasaun sai responsabilidade ba Autoridade Munisipál;

h) Garante satisfasaun ba nesesidade lojístika sira ne’ebé subjasente ba realizasaun eventu no serimónia ofisiál sira ne’ebé nia organizasaun sai responsabilidade ba Autoridade Munisipál, iha koordenasaun ho Servisu Munisipál Patrimóniu no Lojístika;

i) Prepara no aprezenta ba Prezidente Autoridade Munisipál relatóriu kona-ba atividade organizasaun no realizasaun eventu no selebrasaun ofisiál sira-ne’ebé nia organizasaun sai responsabilidade Autoridade Munisipál nian;

j) Hala’o kna’ar sira seluk iha ámbitu protokolu nian ne’ebé determina hosi superiór sira no ne’ebé la’ós responsabilidade hosi órgaun ka servisu seluk hosi Autoridade Munisipál.

Diresaun Servisu Munisipál Administração e Recursos Humanos ho nia Departamentu rua (2) mak hanesan;

1. 1.Departamento de Recursos Humanos.
2. 2.Departamento de Expediente, Informática, Protocolo e Arquivo.

Lista Funsionarios

Organograma