ORARIU BA ATENDIMENTU DOKUMENTU IHA BALKAUN UNIKU – AILEU

21 August 2025

📢Avizu!!!

Hakarak informa hela ba povu Aileu relasiona ho oráriu ba atendimentu dokumentu sira hanesan; Bilete Identidade, Passaporte no Rejistu Kriminal, iha Balkaun Úniku Munisípiu Aileu nian.

Informasaun no kriteiru prosesamentu dokumentu ofisiál sira bele akompaña iha dokumentu aneksu iha 👇 ne’e, obrigadu.

Aileu; Quinta-feira, 21/Agostu/2025.

#BalkaunUnikuAileu.
#mediagatpama2025.

Aileu, 19/Agostu/2025. Seremónia Agradesimentu ba Komemorasaun 50 Aniversáriu (1975-2025) Loron Insurreisaun Jerál Armada no Fundasaun FALINTIL- F-FDTL, ne’ebé hatuur ho ninia tema: “Habelar Paz Ba Mundu” no Subtema: “FALINTlL no Indentidade Nasionál: Hari’i Karakter Nasaun Ida Nian”.

Âmbitu seremónia, iha reflesaun nasionál kona-ba istória FALINTIL ne’ebé partilla husi sasin moris atuál Xefe Estadu Maior Jenerál F-FDTL, Tenente Jenerál Domingos Raul “Falur Rate Laek”, no Tenente Jenerál Reformadu Lere Anan Timor.

Tenente Jenerál Falur Rate Laek hateten, Munisípiu Aileu iha istória espesífiku tanba funu libertasaun hahu no remata husi Aileu. Nia fo agradesimentu no sentidu kondolénsia ba FALINTIL Aileu oan sira, espesiálmente Aileu oan sira ne’ebé fó sira nia vida hodi liberta Timor-Leste.

“Ha’u mai ho saudasaun espesial ba povu Aileu, hodi haruka no hanoin ba mártires no heróis Aileu oan sira, ne’ebé monu iha kampu de batalla,” hateten Falur. Nia kontinua, “Aileu iha papel importante, tanba FALINTIL hahú no remata funu iha ne’e. Ami fo parabéns ba ita hotu tanba sakrifísiu no kontribuisaun ba libertasaun nasaun.”

Tenente Jenerál Falur salienta reflesaun ne’e hanesan momentu importante atu hamoris luta koletiva no hakruuk ba herói sira hotu ne’ebé fó-an ba independénsia.

Nia apela mós ba instituisaun deféza no seguransa atu kontinua ho espíritu kamaradajen no profesionalizmu, hodi ema labele politiza instituisaun nian, no tenke hakmatek hodi kontinua valor no prinsipiu FALINTIL nian.

Reflesaun hanesan hato’o husi Tenente Jenerál Reformadu Lere Anan Timor “Ami ne’ebé sei moris, ami konta istória sira ne’ebé mate. Ami halo istória no fo valor ba sira nia sakrifísiu. Tanba FALINTIL hahú iha Aisirimou iha tinan 1975, no depois tinan 24, tama transisaun ba Forsa Defeza Timor-Leste. Nia hetan matadalan husi komandante Nicolau Lobato to’o Conis Santana. “Ami ne’ebé sei moris, ami hakotu no sama sira nia mate. Ohin ami hasa’e bandeira independénsia nasionál ba povu maubere,” hateten nia.

Nia subliña mós katak, istória FALINTIL la’os fásil, Ita konta istória ne’e hodi fó hanoin, sobre sofrimentu no sakrifísiu hodi sai reflesaun ba jerasaun foin-sa’e sira hodi hatene istória, para bele kontribui ba paz iha rai laran.

Selebrasaun Loron FALINTIL dala 50 hanesan momentu foun atu loke kápitulu foun ba istória Timor-Leste. FALINTIL seidauk remata nia trajetória. Nia hela iha espíritu povu, no kontribui ba paz, estabilidade no dezenvolvimentu.

#remata.

Seremónia agradesimentu ne’e partisipa husi Prezidente Tribunal Rekursu, Rep. Parlamentu Nasionál, Ministru CCLN, Komisáriu Jerál PNTL ho Komando PNTL Aileu, Sekretáriu/a Estadu sira, Administrador Postu, Veteranus, Partidu Polítiku, Autoridade Komunitária, Professores, Estudante, Funsionáriu no Povu doben Aileu.

Aileu, 15 Agostu 2025—Sua Exelénsia Ministru Administrasaun Estatal, 𝐓𝐨𝐦𝐚́𝐬 𝐝𝐨 𝐑𝐨𝐬𝐚́𝐫𝐢𝐨 𝐂𝐚𝐛𝐫𝐚𝐥, hamutuk Sua Exelénsia Ministru Justisa, 𝐒𝐞́𝐫𝐠𝐢𝐨 𝐝𝐚 𝐂𝐨𝐬𝐭𝐚 𝐇𝐨𝐫𝐧𝐚𝐢 ho Reprezentante Rezidente UNDP iha Timor-Leste, Sra. 𝐊𝐚𝐭𝐲𝐧𝐚 𝐀𝐫𝐠𝐮𝐞𝐭𝐚, sesta ohin, halo lansamentu funsionamentu bá Balkaun Úniku iha Munisipiu Aileu.

Iha Dekretu Lei 49/ 2023 hatu’ur Balkaun Úniku nu’udar servisu deskonsentradu ida iha Diresaun Jerál Simplifikasaun, Modernizasaun, no Administrasaun Lokál ne’ebé Tutela iha Ministériu Administrasaun Estatal. Nune’e mos iha DL 3/2025 iha DG-SMAL sei asegura instalasaun servisu Balkaun Úniku no halo mós jestaun ba servisu BÚ iha territoriu nasionál hotu. Balkaun Úniku mak sentru servisu atendimentu iha nível lokál iha ne’ebé sidadaun ida-idak bele hetan asesu ba informasaun no asesu ba servisu públiku ne’ebé la hanesan iha fatin ida de’it, nune’e bele poupa tempu no poupa osan.

Balkaun Úniku hanesan mekanizmu ida husi promosaun ba prosesu desentralizasaun ne’ebé espanda tan prestasaun servisu ba atendimentu públiku, hamenus burokrasia hasa’e transparensia, satisfasaun

no konfiansa ba administrasaun públika.

Inisiativa ida-ne’e aliña ho esforsu desentralizasaun IX Governu Konstitusional nian iha Balkaun Úniku ne’ebé eziste ho objetivu tolu (3) mak hanesan: Hakbesik prestasaun servisu ba sidadaun sira; Moderniza no simplifika servisu atendimentu ba públiku ho lalais no fasil; no Promove transparensia no boa governasaun.

MAE servisu hamutuk ho Programa Nasoins Unidas ba Dezenvolvimentu (UNDP) iha Timor-Leste hodi implementa inisiativa ida-ne’e, hodi reforsa kooperasaun internasionál hodi haforsa prestasaun servisu públiku.

Sua Exelénsia Ministru MAE, husu ba Tekniku sira husi MAE no Ministeriu Justisa, depois lansamentu, tenke kontrola Balkaun Úniku nia funsionamentu. “Balkaun Úniku servisu sentralizadu governu sentral nian, MAE hanesan gestor, ministeriu sira lori servisu mai presta iha ne’e, Ida ne’e mak ita lori governasaun besik liu mai povu”.

Durante faze implementasaun teknikamente, DGSMAL servisu hamutuk ho Diresaun Jerál Servisu Registu Notariadu ba fornesimentu servisu notaridu nian mak hanesan: Billete Identidade (BI), Passaporte no Registu Kriminál. Nune’e mós atu asegura konektividade ba servisu BU, desde inisiu DGSMAL halo koordenasaun no servisu hamutuk ho Ministériu Transporte no Telekomunikasaun liu husi TIC Timor no DNIC.

Edifísiu Balkaun Úniku Aileu funsiona ho funsionáriu nain-lima (5): koordenador ida, tékniku eskritóriu nain rua, Motorista ida no limpezador ida.

Entretantu, iha serimónia inaugurasaun ne’e partisipa hosi Sua Exelénsia Ministru Ensinu Superiór, Siénsia no Kultura, José Honório da Costa P. Jerónimo, Sua Exelénsia Vise MAE, 𝐉𝐚𝐜𝐢𝐧𝐭𝐨 𝐑𝐢𝐠𝐨𝐛𝐞𝐫𝐭𝐨 𝐆𝐨𝐦𝐞𝐬 𝐝𝐞 𝐃𝐞𝐮𝐬, Vise-Ministru ba Fortalesimentu Institusionál, Paulo Manuel da S. dos Remédios, S.E. Sekretáriu Estadu Asuntus Toponímia no Organizasaun Urbana, Germano Santa Brites Dias, Xefe Gabinete MAE, Sr. 𝐁𝐞𝐧𝐢𝐠𝐧𝐨 𝐇. 𝐝𝐚 𝐂𝐫𝐮𝐳, Prezidente Autoridade Munisipiu Aileu no Ermera, PAM Bobonaro Interinu, Representante PAM Ainaro, Diretores Jerais no Nasionais MAE, Diretores Servisus Munisipais, sosiedade sivíl, Autoridade Seguransa PNTL no F-FDTL, lider komunitáriu sira, Estudante no komunidade Aileu.

𝐑𝐞𝐦𝐚𝐭𝐚#

𝐌𝐞𝐝𝐢@𝐌𝐚𝐞_𝟐𝟎𝟐𝟓

Aileu 28 Novembro 2023, Komemorasaun loron aniversario Proklamasaun Independensia 28 Novembro 2023 ba dala 48 iha Kampo Sabraka Laran, Postu Administrativo Aileu Vila, Munisipiu Aileu. Depois de remata Serimonia Icar Bandeira RDTL kontinua kedas fo Tomada de Posse ba Lideransa Komunitario sira, preside husi Amu parku Parokia São Pedro no São Paulo no akompaña mos husi Sua exelensia Vice Primeiro Ministro Sr. Doutor Francisco Calbauadi Lay, Autoridades lokal Munisipiu Aileu, Funsionarios sira, Komunidade no Familia husi Xefe Suku eleito sira.

Aileu 16 Novembro 2023, Ministério Do Interior Direção Geral Serviço De Migração fo Formasaun kona ba

Mai Sosializasaun Lei Nú 10/2021

Primeiro Alterasaun Lei Nú 11/2017

24 Maio Lei Migrasaun No Azilo iha Municipio Aileu

Formasaun ne hetan Partisipasaun husi Administrador Município, Administrador Postu sira, Komandante PNTL, Estrutura suku no mos Estudante sira iha Município Aileu.

Matéria Formasaun :

Téknika Komunikasaun Relasaun Públika
Public Speaking (Diskursu Públiku, Mestre Serimónia/Master of Ceremony)
Téknika Aprezentasaun iha Semináriu no Workshop
Téknika Implementasaun Servisu Protokolu

Formasaun no Treinamento ne Organiza husi SECOMS ho CEFTEC no hetan Partisipasaun husi, Adjunto Secretario Município Aileu, Diretores sira no mos Funsionarios sira kada Diresaun iha Município Aileu.

Formasaun no Treinamento PORTAL MUNICIPAL Aileu TOT (training of trainer) Formador sira husi MAE no UNDP. Formasaun no Treinamento ne hetan Partisipa husi Adjunto Secretario Município Aileu, Administrador Postu haat(4), Chefe do Suku Sira, Pontu Fokal sira kada Diresaun iha Município Aileu no mos Pontu Fokal Portal Municipal Aileu nian.

Day One (Municipal Portal training data Catalogue/Manager)

Day two (Municipal Portal training on CMS content)

#MAE

#UNDP

#Portal Municipal Aileu

Aileu 28 Outubro 2023, Administrador Munisipio Aileu ezerse ona nia direito nu’udar sidadaun Timor-Leste. Mai ita hili lideransa ne’ebe diak hodi lori dezenvolvimento ba Suku.

Aileu 27 Outubro 2023, Autoridade Munisipio Aileu distribui ona Material Sensetivo no la Sensetivo ba Eleisaun orgaun suku periodo 2023 ate 2030, Material sira distribui direita ba Administrador Postu, Komandante Esquadra no Ekipa PSAS/PSAA. Iha Aktividade refere hetan partisipasaun husi kordenador nasional monitoring Municipio Aileu, Diretora STAE, Director CNE, Komandante Munisipio Aileu, Administrador Postu, Diretores, Xefe departamento no Funsionario sira hotu ne’ebe sedeada iha Munisipio Aileu.

Aileu 26 Outubro 2023, STAE Munisipiu Aileu hamutuk ho Administrasaun Munisipiu Aileu hatama ona material SENSETIVU NO LA SENSETIVU iha Salaun Administrasaun Munisipiu Aileu no aban distribui kedas ba Posto Administrativo, Suku no Aldeia sira iha Munisipiu Aileu.