Aileu, 30/Agostu/2025. Reprezentante PAM liuhosi Sekretária ba Asuntu PIDI “Sra. Victória Mesquita do Rêgo” hamutuk ho Ministru Defeza, Exelénsia Kontra-Almirante Donaciano Costa Gomes, ‘Pedro Klamar Fuik’, Ph.D., hamutuk ho membru governu da-9 sira, sábado ohin, hatuur ona fatuk dahuluk ba konstrusaun Eskola Akadémia Militár Konjunta, iha aldeia Bandeira-hun, Suku-Liurai no Munisípiu Aileu. Tempu hanesan komemora mós Loron Konsulta Popular ba dala-26 (30 Agostu 1999– 30 Agostu 2025) no ezisténsia Institutu Defeza Nasionál-IDN ba dala-15.
Antes hala’o serimónia ofisiál sira, Autoridade Munisipál akompaña membru governu da-9, Adidu Militár husi Xina, Portugal no Brazil, no konvidadu en-jerál, hakat ba iha monumentu Prezidente Nicolau Lobato iha Aisirimou, hodi tau ai-funan no presta omenájen ba Erói no Eróina nasionál sira ninia sakrifika aan ba libertasaun rai RDTL ida ne’e.
