Aileu-Madabenu, 07 Juñu 2026. Exelénsia Prezidente Autoridade Munisípiu Aileu “João Bosco dos Santos” hamutuk ho estrutura Autoridade no Postu sira, domingu horseik akompaña Sua Eminência Dom Virgílio Cardeal do Carmo da Silva, SDB Arcebispo Metropolitano de Dili, hatu’ur ona fatuk dahuluk ba konstrusaun Kapela São Arcanjos Madabeno, Laulara, Aileu.

Ritu lançamentu ne’e hahu ho foti foder hosi lia nain, segidu ho benção ba materiais konstrusaun.

Hafoin ne’e, Sua Eminência Dom Virgílio Cardeal do Carmo da Silva, SDB, kaer fatuk dahuluk ho liman, no akompanhadu hamutuk hosi Prezidente Autoridade Munisípiu Aileu, Sr. João Bosco dos Santos, Komandante PNTL Munisípiu Aileu, Superintendente Chefe António da Luz, Lic. CG, Administrador Postu Laulara, Komandante Esquadra Laulara, no Xefe Suku Madabenu, tau fatuk ba rai koak nudar símbolu katak konstrusaun kapela refere hahu formalmente.

Iha atividade lançamentu fatuk dahuluk ba Kapela São Arcanjos Madabenu ne’e sei konstrui ho medida luan metru 14 no naruk metru 30 (14×30), ne’ebé espera bele akomoda sarani barak liu atu partisipa iha atividade relijioza sira iha futuru.

Projetu konstrusaun kapela ne’e sai hanesan aspirasaun tempu naruk hosi Sarani Madabenu no marka etapa importante ida ba dezenvolvimentu infraestrutura relijioza iha área refere. Sarani sira hatudu kontentamentu no komitmentu atu kontribui no apoia prosesu konstrusaun to’o remata.

Sarani Madabenu mós partisipa ho laran kontenti no alegria boot, hodi basa liman no manifesta solidariedade no apoiu ba momentu histórriku ne’e.

Lansamentu ne’e marka sinal katak konstrusaun Kapela São Arcanjos Madabenu hahu formalmente, ho esperansa atu sai fatin espirituál ne’ebé benefisia komunidade iha futuru.

#remata.

Serimónia ne’e partisipa mós husi Sekretáriu Munisipál Asuntu PIDI, Diretór Ezekutivu AMRT, Lideransa Komunitária hamutuk ho povu no sarani Madabenu

Fontes: 𝑴𝒆𝒅𝒊𝒂 𝑷𝑵𝑻𝑳 𝑨𝒊𝒍𝒆𝒖

#mediagatpama2026.