Aileu-Seloi, 08 Novembru 2025. IX governu konstitusional ne’ebé lidera husi S.E. Kay Rala Xanana Gusmão, sábadu horseik akompaña husi Ministru Obras Públikas “Exelénsia Samuel Marçal” hamutuk ho PAM-Aileu “Exelénsia João Bosco dos Santos”, PAM-Ermera “Exelénsia José Martinho dos Santos Soares” no akompaña mós husi membru IX governu kada Ministériu sira, partisipa hamutuk hodi hatuur ona fatuk dahuluk ba projetu reabilitasaun estrada Munisipál pakote 7, husi Seloi-kraik, Aileu liga ba Tokoluli, Gleno-Ermera ‘ (SEG. 0+000 – SEG. 18+267.887), ne’ebé responsabiliza direita husi kompañia MARABIA, LDA (Timor-Leste) ho montante orsamentu $14,034,102.63 no durasaun tempu ne’e durante loron 365 “Tinan ida”.

PAM-Aileu agradese tebes ba IX governu, tanba foin ukun tinan 2, ohin hala’o ona lansamentu estrada husi Seloi-kraik, Aileu ba Tokoluli, Ermera.

“Espera estrada sei diak mai ita hotu iha tempu badak, hodi fasilita komunidade sira entre Aileu no Ermera bele sirkula produtu ba merkadoria ho kondisaun diak”. PAM informa.

Diretór ba kompañia Marabia, Lda ne’e hanesan ema Aileu-oan ida, ezijénsia Autoridade nian ba kompañia mak konklui projetu ne’e tuir kontratu ne’ebé asina ona ho governu.

PAM subliña, projetu ne’e atu lao ho diak mak presija komunidade ou povu Aileu no Ermera atu hala’o koperasaun ho kompañia no parte Autoridade sira, bainhira enfrenta dejafiu ruma iha terenu.

Ikus, esperansa no ezijénsia PAM nian ba Primeiru-Ministru RDTL maka, iha fulan oin bele lansa tan estrada urbana hotu iha parte Aileu-Villa nian.

========

Âmbitu lansamentu ne’e Ministru Obras Públikas hala’o selebrasaun kontratu mós ho Diretór kompañia MARABIA, Lda, atu kompañia bele hahú ona progresu fíziku sira iha terenu.

Maske ho situasaun udan, maibe tanba dezenvolvimentu PM Kay Rala ho membru governu sira anima povu Aileu no Ermera liu husi dahur hamutuk iha resintu Eskola Públiku Ensinu Sekundária Gerál Seloi-kraik.

#remata.

Seremónia ne’e marka prejensa mós husi Kargu Xefia husi Ermera no Aileu, Komandante PNTL Aileu ho komitiva, Professores, Estudantes, Lia-nain no Komunidade ou Povu hotu husi Ermera ho Aileu.

#mediagatpama2025.