Vizaun

Autoridade Munisipál Aileu hakarak presta atendimentu ida ne’ebé “Fasil, Lais no Amigavel “ ho nia komitmentu atu iha estabilidade, amizade no armonia, hodi hadi’ak mehi Komunidade nian ba moris di’ak, liuhusi dezenvolvimentu iha kapitál Sosiál, Infraestrutura bázika, Ekonomia ida ne’ebé sustentável no haforsa kapasidade Instituisionál atu bele atinje metas hirak ne’ebé definidu ona iha PEDN 2011-2030.

Missaun

  • Prepara kondisaun mínima sira ba implementasaun poder lokál ka desentralizasaun, hodi bele garante dezenvolvimentu ida-ne’ebé sustentável, ekilíbradu no ekuitativu, atu lori moris di’ak ba povu Aileu.
  • Sei konsentra liu ba asuntu sosiál ne’ebé fó benefísiu direta ba populasaun Aileu hanesan hadi’a saúde, promove edukasaun ida-ne’ebé ho kualidade no hadi’a relasaun sosiál entre komunidade sira hodi kria sosiedade ida-ne’ebé saudável, instruída no solidária.
  • Sei buka atu hametin relasaun sosiál, konfiansa no kooperasaun entre komunidade sira ho instituisaun lokál sira Estadu nian iha nível Munisípiu. Rede koneksaun ida ne’e fundamentál tebes ba prosesu dezenvolvimentu no reziliénsia komunidade nian.
  • Sei fó atensaun másimu ba dezenvolvimentu infraestrutura báziku sira hodi bele sustenta kreximentu ekonómiku no hadi’a kualidade moris ne’ebé sei fó prioridade ba projetu sira konstrusaun no manutensaun estrada, rede transportasaun, enerjia, telekomunikasaun, no seluk tan.
  • Sei konsentra ba hasa’e produsaun Agríkola no fasilita asesu merkadu ba komunidade sira, hodi “faan no sosa” produtu sira, hodi mellora povu sira-nia moris.
  • Sei buka atu aselera no estimula kreximentu ekonómiku ida-ne’ebé sustentável, liuhusi promove kriasaun postu traballu, hodi aumenta rendimentu populasaun no hala’o diversifikasaun ekonomia lokál iha Munisípiu Aileu.
  • Sei promove no garante estrutura institusionál ne’ebé efisiente nu’udár fatór determinante atu asegura prestasaun servisu públiku ne’ebé efikáz, dezenvolvimentu sustentável no promosaun ba bein-estar komunidade Aileu nian.
  • Sei kria plataforma ida hodi envolve entidades hotu-hotu ba mellora Lei Tara Bandu iha Suku sira, atu nune’e bele asegura estabilidade hodi kria amizade no armonia entre Komunidade iha nível Aldeia, Suku, Postu Administrativu no Munisipál.