Vizaun

“Munisípiu ida mak inkluzivu, reziliente, sustentável no prósperu hodi valoriza identidade kulturál no promove dezenvolvimentu ekonomia no asesu servisu públiku di’ak ba Aileu-anan hotu”.

Missaun

  • Transforma estadu atuál Autoridade Munisipál nian, ne’ebé konsideradu nu’udar munisípiu ne’ebé iha “menus dezenvolvidu” ba munisípiu ida-ne’ebé fazeadamente sei tranzita ka hakat ba “munisípiu moderna” iha 2030, tuir mehi ne’ebé hatuur iha PEDN.
    1. Mellora kualidade moris, liuhusi promove prestasaun serbisu públiku sira-ne’ebé bele garante moris di’ak ba komunidade sira.
    2. Estimula kreximentu ekonómiku lokál liuhusi promove kriasaun postu traballu, hodi aumenta rendimentu populasaun no hala’o diversifikasaun ekonomia lokál iha nível Munisípiu.
    3. Konserva ambiente hodi garante dezenvolvimentu sustentável liuhusi proteje rekursu naturais no hala’o mitigasaun ba impaktu ambientál.
    4. Promove inkluzaun sosiál hodi garante asesu ba oportunidade ida-ne’ebé justu ba ema hotu-hotu no mitiga dezigualdade sosiál iha komunidade sira.
    5. Partisipasaun komunitária iha foti desizaun koletiva liuhusi órgaun formal sira.
    6. Valorizasaun identidade kulturál Aileu-anan hodi rekuiñese ninia importánsia ba koezaun sosiál iha dezenvolvimentu munisipál.
    7. Promove dezenvolvimentu ida-ne’ebé reziliente ba dezastre liuhusi aumenta reziliénsia komunitária hasoru efeitu hosi mudansa klimátika.
    8. Introdusaun sistema inovasaun no teknolojia liuhusi promove inovasaun no teknolojia hodi impulsiona dezenvolvimentu ekonómiku no hadi’a prestasaun servisu públiku ba komunidade sira.
    9. Kooperasaun esterna liuhusi estabelese akordu parseria ho entidade esterna sira hodi impulsiona kreximentu lokál no partilla kuiñesimentu iha área governasaun.