Profile Servisu Munispal Planeamentu Integradu no Dezenvolvimentu Munisipál
Servisu Munisipál Planeamentu Integradu no Dezenvolvimentu Munisipál (SMPIDM) iha knaar estratéjiku atu asegura harmonizasaun no sinkronizasaun ba implementasaun programa hotu, ne’ebé hahú hosi baze (nivel Aldeia no Suku), liuhusi Postu Administrativu, to’o nível Autoridade Munisipál. Prosesu ida-ne’e sai hanesan ponte fundamentál hodi enkamina planeamentu setoriál ba nível Nasionál, ho fokus loloos ba monitorizasaun no exekusaun infraestrutura bázika iha setór sira hanesan Saúde, Edukasaun, Agrikultura, Obras Públikas ne’ebé inklui Saneamentu no Bee-Moos.
Planu Investimentu Munisipál (PIM) reprezenta konsolidasaun husi lista projetu prioritáriu sira ne’ebé mai husi partisipasaun inkluziva iha Asembleia Aldeia no Konsellu Suku. Hafoin liu husi prosesu tais no apresiasaun iha nível Asembleia Postu Administrativu, proposta sira-ne’e submete ba Autoridade Munisipál. Iha faze ne’e, Konsellu Koordenasaun Munisipál (CCM) no Konsellu Konsultativu Munisipál sei hala’o verifikasaun ne’ebé rigorozu no análize prioridade, hodi garante katak projetu sira ne’ebé aprova ona mak projetu ne’ebé iha viabilidade téknika no fó impaktu másimu ba dezenvolvimentu lokál.
Bazeia ba dekretu legál ne’ebé vigor ona, liuliu Dekretu-Lei N.o 84/2023 (Alterasaun Dalima ba Dekretu-Lei N.o 3/2016) no Diploma Ministerial N.o 85/2023, Diresaun Servisu Munisipál Planeamentu Integradu no Dezenvolvimentu Munisipál (SMPIDM) asume knaar fundamentál iha estrutura orgánika Autoridade Munisipál nian. Diresaun ida-ne’e iha misaun estratéjika hodi asegura no kordena apoiu tékniku-administrativu ne’ebé integra ba Prezidente Autoridade Munisipál no órgaun kolijial sira seluk, Diresaun ne’e mós sai hanesan sentru ba estudu estratéjiku, dezenu, no monitorizasaun ba ezekusaun Planu Dezenvolvimentu Munisipál (PDM) no Planu Investimentu Munisipál (PIM). Objetivu prinsipál mak atu garante katak prosesu planeamentu hotu la’o tuir prinsípiu desentralizasaun administrativa, hodi foka ba efisiénsia servisu públiku no sustentabilidade investimentu infraestrutura ne’ebé responde loloos ba dezafiu sosiu ekonómiku iha munisipál.
Detallu
Organograma
