Aileu–Remexio, 02 Agostu 2026.

Hafoin remata ona serimónia inaugurasaun Kapela Foun Sagrado Coração de Jesus Faturasa, Prezidente Autoridade Munisípiu Aileu, Sr. Jacinto Ribeiro Dias, akompaña Sua Eminénsia Dom Virgílio Cardeal do Carmo da Silva, SDB, hamutuk ho Sua Eminénsia Cardeal Peter Kodwo Appiah Turkson, iha sira-nia dalan fila hikas ba rezidénsia iha Dili.

Iha dalan, bainhira to’o iha resintu Santuáriu Jesus Divina Mizerikordia Berelisu, Faturasa, Sua Eminénsia Dom Virgílio Cardeal do Carmo da Silva, akompaña husi PAM no sarani Berelisu, hala’o momentu orasaun hamutuk iha santuáriu refere.

Iha orasaun ne’e, husu ba Nai Maromak nia grasa no bensaun atu haforsa sarani Berelisu sira, nune’e bele kontinua moris iha dame, hametin fiar, serví ba Maromak no hatudu domin no solidariedade ba ema seluk.

Enkuantu prezensa Sua Eminénsia Kardeal no PAM iha Santuáriu Jesus Divina Mizerikordia Berelisu simu ho laran ksolok husi komunidade sarani sira, ne’ebé konsidera momentu ne’e nu’udar oportunidade ida atu hametin relasaun fraternidade no moris hamutuk iha espíritu fiar.

#mediagatpama2026.