𝐂𝐞𝐧𝐭𝐫𝐨 𝐍𝐚𝐜𝐢𝐨𝐧𝐚𝐥 𝐂𝐡𝐞𝐠𝐚, 𝐈.𝐏. 𝐇𝐨 𝐀𝐮𝐭𝐨𝐫𝐢𝐝𝐚𝐝𝐞 𝐀𝐢𝐥𝐞𝐮 𝐑𝐞𝐚𝐥𝐢𝐳𝐚 𝐀𝐭𝐢𝐯𝐢𝐝𝐚𝐝𝐞 𝐊𝐨𝐧𝐬𝐮𝐥𝐭𝐚 𝐏ú𝐛𝐥𝐢𝐤𝐮 𝐁𝐚 𝐏𝐫𝐨𝐬𝐞𝐬𝐮 𝐑𝐞𝐤𝐨𝐧𝐬𝐢𝐥𝐢𝐚𝐬𝐚𝐮𝐧 𝐓𝐢𝐦𝐨𝐫-𝐨𝐚𝐧 𝐍𝐨 𝐏𝐨𝐥í𝐭𝐢𝐤𝐚 𝐑𝐞𝐩𝐚𝐫𝐚𝐬𝐚𝐮𝐧 𝐈𝐡𝐚 𝐌𝐮𝐧𝐢𝐬í𝐩𝐢𝐮 𝐀𝐢𝐥𝐞𝐮.

Aileu, 18 Marsu 2026. Reprezentante PAM liu husi Sekretáriu Munisipál Asuntu Sosiál no Organizasaun “𝐒𝐫. 𝐑𝐨𝐠ê𝐫𝐢𝐨 𝐝𝐚 𝐂𝐨𝐧𝐜𝐞𝐢çã𝐨” hamutuk ho Komandante PNTL Munisípiu Aileu “𝐒𝐮𝐩𝐞𝐫𝐢𝐧𝐭𝐞𝐧𝐝𝐞𝐧𝐭𝐞 𝐌𝐚𝐫𝐜𝐨𝐬 𝐒𝐞𝐪𝐮𝐞𝐢𝐫𝐚 𝐍𝐮𝐧𝐞𝐬” no Diretór Ezekutivu CNC “𝐒𝐫. 𝐇𝐮𝐠𝐨 𝐌𝐚𝐫𝐢𝐚 𝐅𝐞𝐫𝐧𝐚𝐧𝐝𝐞𝐬”, kuarta ohin akompaña Reprezentante Vise-Ministru Asuntu Parlamentár liu husi Konsellu Administrasaun CNC “𝐑𝐞𝐯. 𝐀𝐫𝐥𝐢𝐧𝐝𝐨 𝐌𝐚𝐫ç𝐚𝐥”, hodi hala’o abertura ba atividade konsulta públiku ba prosesu rekonsiliasaun Timor-oan no polítika reparasaun, neʼebé hala’o iha salaun Timor-klaran Aileu.

Konsulta Públiku ida ne’e rasik realiza ho objetivu atu halibur ideia, pontu de vista no rekomendasaun sira ba mekanizmu ida neʼebé dí’ak liu atu hala’o rekonsiliasaun entre Timor-oan no Polítika Reparasaun nian.

Hafoin abertura, kontinua kedas ho sesaun aprezentasaun sira hanesan:

01. Mekanizmu rekonsiliasaun Timor-oan no polítika reparasaun;

02. Aprezentasaun ezbosu polítika nasionál reparasaun ba vítima konflitu polítika 1974 – 1999; no

03. Diálogu kona-bá rekonsiliasaun Timor-oan no polítika reparasaun.

Iha sesaun sira, partisipante sira hato’o mós preukupasaun no ideia konstrutivu sira hodi reforsa liu tan ezbosu neʼebé CNC elabora ona kona-ba reparasaun ba vítima konflitu polítika 1974 – 1999.

Entertantu Centro Nacional Chega! LP (Centro Chegoll.P) nu’udar Institutu Públiku ida ne’ebé estabelese ho Dekretu Lei nº. 48/2016. Centro Chega! I.P nia vizaun mak: “Sosiedade ida neʼebé inkluzivu, la repete istória pasadu nian hodi promove direitu no valor umanu”. Centro Chega! I.P nia misaun mak “Harii sentru póz-konflitu ne’ebé prezerva memória pasadu nian hodi promove direitu no valor umanu no harii parseria nasionál no internasionál hodi reforsa rede servisu sira atu implementa rekomendasaun sira husi Relatóriu Finál Comissão de Acolhimento, Verdade e Reconciliação (CAVR)- Chega! no Comissão do Verdade e Amizade (CVA) – Per Memoriam Ad Spem, sira ne’ebé relevante.

Atividade kompletu bele akompaña iha pájina facebook Lafaek News-OFISIAL “https://www.facebook.com/share/1CbnpDJqqb/“

Segimentu dahuluk: https://www.facebook.com/share/v/1BHsa3XPPm/

Segimentu daruak: https://www.facebook.com/share/v/17NDBvUzi6/

Segimentu datoluk: https://www.facebook.com/share/v/1FnBF6eG5Q/

Prejenza iha atividade ne’e husi Sekretárius Munisipais, Diretores Servisus Munisipais, Delegasaun Territoriais, Administradores Postus Administrativus, Autoridade Komunitárias, Padre Paróco Paróquia São Pedro e São Paulo Aileu, Veteranus, Sosiedade Sivíl, Rep. Partidu Polítiku, Maluk reparasaun vítima konflitu polítika no partisipante en-jerál.

#mediagatpama2026.

Aileu, 13 Marsu 2026. Prezidente Konsellu Kordenasaun Munisipál atuál Exelénsia PAM-Aileu “𝐉𝐨ã𝐨 𝐁𝐨𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬” akompaña mós ho Vise nain-3, sexta ohin realiza enkontru KKM ba faze datoluk hamutuk ho Diretores Servisus Munisipais, Delegasaun Territoriais, Administrador Postu ho reprezentante Lideransa Komunitária sira kada Postu.

Iha sesaun abertura Exelénsia 𝐉𝐨ã𝐨 𝐁𝐨𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬 hateten, enkontru loron ohin nian ita sei haree hikas vizita ofisiál Primeiru Ministru RDTL nian ba preparasaun sira relasiona ho rezultadu avaliasaun dezempeñu ne’ebé hala’o ona. PM hato’o rekomendasaun sira mai ita maka, presija ita-nia koordenasaun, komunikasaun no kooperasaun sira. No ohin liu husi enkontru KKM ita sei diskute no tetu hamutuk planu sira, buat ne’ebé loos ita mantein no ida ne’ebé la loos ita sei deskute hamutuk. Dehan Prezidente KKM.

Enkuantu enkontru ne’ebé hala’o iha salaun I Autoridade Munisipál Aileu ne’e, foká ba aprezentasaun sira hanesan;

01. Indikadór Dezempeñu 2026 iha Sistema DBFTL, aprezenta husi Servisu Ajénsia Planeamentu;

02. Prosesu Atendimentu BI no Passaporte iha Notariadu Aileu, aprezenta husi Diretór Notariadu;

03. Apresiasaun no Aprovasaun Relatóriu Anuál 2025, aprezenta husi Asesór PARTISIPA;

04. Aprezentasaun Metas Estratéjiku ba PAA 2027 Aliña Planu Dezenvolvimentu Munisipál-PDM, aprezenta husi Asesór PARTISIPA;

05. Promove Reuniaun Alargada ho Aileu-Oan Sira Hotu Relasiona Ho Prosesu Simu Podér Lokál Husi Governu Sentrál, aprezenta husi Asesór PARTISIPA.

Iha prosesu aprezentasaun sira hetan ideia konstrutivu husi membru KKM sira, reflete ba situasaun no kondisaun ne’ebé mai kedas husi nível komunidade “Suku no Aldeia sira”, inklui dezafiu ne’ebé Servisu Munisipál no Servisu Delegasaun Territoriál sira enfrenta hela.

Molok ensera, Prezidente KKM hato’o agradesimentu ba membru hotu nia partisipasaun, maibé presija hamutuk, katak buat ne’ebé la diak ita tenta atu hadia, lori mai meza ita kritika malu, maibé presija fo solusaun ba malu.

Relasiona ho reuniaun alargada “forum Dalan ba Podér Lokál” ho Aileu-oan sira hotu ne’ebé tuir planu sei hala’o iha loron 10 fulan Abril tinan ne’e iha Salaun Timor-klaran Aileu, Lider Máximu ne’e apresia ho ekipa konjunta ne’ebé prepara ona nota konseitu sira, “bainhira ita konsentra intelektual Aileu-Anan no entidade hotu nia partisipasaun mak ita sei hametin liu tan signifikadu Aileu nian, Amigavel, Inkluzividade, Lealdade, Edukadu no Unidade”.

#remata.

Enkontru ne’e partisipa mós husi Xefe Departamentu sira, Pontu Fokál ou Koordenadór Ministériu nian iha Aileu, Asesór PARTISIPA no Funsionáriu Apoiu Tékniku sira.

#mediagatpama2026.

Aileu, 11 Marsu 2026. Team Leader Parseria Hametin Dezenvolvimentu Suku no Administrasaun – PARTISIPA “𝐒𝐫𝐚. 𝐄𝐦𝐞𝐫 𝐏𝐮𝐫𝐝𝐨𝐧” hamutuk ho Adjunto Team Leader-PARTISIPA “𝐒𝐫. 𝐀𝐛𝐢𝐥𝐢𝐨 𝐝𝐞 𝐀𝐫𝐚ú𝐣𝐨”, kuarta horseik hala’o enkontru kortezeia ho Exelénsía PAM-Aileu “𝐉𝐨ã𝐨 𝐁𝐨𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬” ne’ebé akompaña direita mós husi Sekretáriu Munisipál nain-3 ho Diretór Servisu Munisipál hanesan PNDS, SMASA no SMOP.

Objetivu husi enkontru ne’e mak atu atualiza PARTISIPA nia apoiu iha faze 2 ne’ebé hahú iha fulan Jullu tinan ne’e, no mós atu rona Autoridade Aileu nia prioridade sira kona-ba oinsá programa PARTISIPA bele apoia di’ak liután hodi aliña ho polítika governu nian relasiona ho prestasaun servisu públiku ba populasaun sira.

Iha programa PARTISIPA ba faze segundu nian sei foká ba pilár 3, hanesan Polítika Nível Nasionál, Nível Reforsa Munisípiu no Nível Infraestrutura Sub-Nasionál liu husi rekursus ne’ebé PARTISIPA destaka kompostu husi Asesór Governasaun Lokál, Koordenadór Planeamentu no Orsamentu ho Koordenadór ba Infraestrutura nian.

PAM agradese ba Governu Australia liu husi PARTISIPA nia programa ne’ebé kontinua fó apoiu ba Autoridade Aileu, no PAM espera ho rekursus ne’ebé destaka bele fó asisténsia téknika sira liu husi elabora hamutuk Planu Asaun Anuál-PAA ne’ebé reflete ba situasaun real povu Aileu nian ba infraestrutura bázika sira hanesan Estrada no Bee-moos.

Entertantu PARTISIPA nu’udar programa Governu Austrália nian ne’ebé apoia Governu Timor-Leste nia planu no polítika sira relasiona ho hadiak prestasaun servisu báziku no infraestrutura sira iha nivel munisipál. Programa nia objetivu mak atu hametin instituisaun governu nian atravez reziliénsia infraestrutura komunidade nian no habelar oportunidade sira. Programa ne’e foka liu ba apoiu parseiru governu munisipál hodi reforsa dezenvolvimentu lokál mak inklusivu no sustentável.

#remata

Enkontru ne’e partisipa mós husi Xefe Departamentu, Asesóres PARTISIPA Apoiu iha Servisu Munisipál sira no Xefe Gabinete PAM.

#mediagatpama2026.

𝐀𝐢𝐥𝐞𝐮 𝐏𝐫𝐨𝐧𝐭𝐮 𝐎𝐧𝐚 𝐇𝐨𝐝𝐢 𝐇𝐚𝐤𝐚𝐭 𝐁𝐚 𝐏𝐨𝐝é𝐫 𝐋𝐨𝐤á𝐥 𝐈𝐡𝐚 𝐓𝐢𝐧𝐚𝐧 𝟐𝟎𝟐𝟕.

Aileu, 26 Fevereiru 2026. Sua Exelénsia Ministru Administrasaun Estatál, 𝐓𝐨𝐦𝐚́𝐬 𝐝𝐨 𝐑𝐨𝐬𝐚́𝐫𝐢𝐨 𝐂𝐚𝐛𝐫𝐚𝐥, hamutuk ho Sua Exelénsia Ministériu Planeamentu Investimentu Estratéjiku, 𝐆𝐚𝐬𝐭𝐚̃𝐨 𝐒𝐨𝐮𝐬𝐚 ho Sua Exelénsia Ministru Obras Públikas, 𝐒𝐚𝐦𝐮𝐞𝐥 𝐌𝐚𝐫𝐜̧𝐚𝐥, akompaña Sua Exelénsia Primeiru-Ministru (PM), 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦𝐚̃𝐨, kinta ohin hala’o vizita ofisiál mai iha Munisípiu Aileu hodi haree besik servisu munisipál husi rezultadu “Avaliasaun Kondisaun Mínima” ne’ebé hala’o husi Ministériu Administrasaun Estatál (MAE).

Programa ida-ne’e hanesan parte ida husi preparasaun IX Governu Konstitusionál nian molok implementa Polítika Desentralizasaun Podér Lokál iha tinan 2027, hodi transfere podér no responsabilidade husi Governu sentrál bá nível lokál hanesan munisípiu nune’e povu bele partisipa diretamente iha governasaun no dezenvolvimentu.

Ministru Administrasaun Estatál maka responsavel ba konsesaun, ezekusaun, koordenasaun no avaliasaun ba polítika ne’ebé define no aprova ona husi Konsellu Ministrus, ba área podér lokál, desentralizasaun administrativa, apoia ba organizasaun komunitária sira, promove dezenvolvimentu lokál, organizasaun no ezekusaun ba prosesu eleitorál no referendáriu nian, promosaun ijiene no organizasaun urbana no klasifikasaun no konservasaun ba dokumentu ofisiál sira ne’ebé ho valór istóriku.

Ministru Administrasaun Estatál mak iha kompeténsia atu promove no realiza prosesu desentralizasaun administrativa no instalasaun órgaun no servisu sira Podér Lokál nian; propoin no implementa lei podér lokál, lei eleitorál munisipál no lei finansas, patrimóniu no aprovizionamentu munisipál, no normativu legál no regulmentár sira seluk ne’ebé nesesáriu ba desentralizasaun administrativa no instalasaun ba órgaun reprezentativu sira podér lokál nian; apoia formasaun no asisténsia permanente ne’ebé dirije ba prosesu deskonsentrasaun no desentralizasaun administrativa, iha koordenasaun ho Ministériu no entidade relevante sira seluk.

Atividade diálogu ne’ebé hala’o Salaun Timor-Klaran Aileu, perante Primeiru-Ministru ho Ministru sira ne’ebé prezente, Exelénsia Prezidente Autoridade Munisipál Aileu , 𝐉𝐨𝐚̃𝐨 𝐁𝐨𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬, halo aprezentasaun kona-bá perfil no ponténsia tomak husi munisípiu, inklui progresu servisu, programa sira ne’ebé la’o daudaun no prioridade dezenvolvimentu sira ne’ebé antinje ona nu’udár baze hodi responde bá kritériu sira mak hatuur iha polítika desentralizasaun podér lokál nian.

Iha sesaun husu no hatan, autoridade lokál sira no povu Aileu antuziazmu makaas hodi espresa sentimentu kontente bá politika IX Governu Konstitusionál kona-bá polítika desentralizasaun podér lokál ne’ebé sei implementa iha tinan tuir mai. Iha kritika balun liga ho mekanizmu servisu munisipál nian ne’ebé sei mosu fallansu maibé maioria deklara katak, munisípiu ne’e prontu ona atu simu desentralizasaun no podér lokál.

Iha vizita ne’e Primeiru-Ministru akompaña husi membru Governu balun, ne’ebé partisipa husi autoridade munisipál, setór privadu, autoridade postu, autoridade lokál, veteranus, diretór servisu munisipál sira, xefe departementu sira, intelektuál sira inklui autoridade sivíl ho militár.

Munisípiu Aileu kuiñesidu ho naran rai-husar katak situa iha sentru Timor-Leste nia kapital mak Aileu, Área 809.9 Km2 ho populasaun liu-61.611 ne’ebé mak ko’alia lian Tetun no Mambae.

Munisípiu Aileu kompostu husi Postu Administrativu 4 hanesan Postu Administrativu Aileu-Villa ne’ebé konstitui husi suku 13: Aissirimou, Bandudato, Fahiria, Fatubossa, Hoholau, Lahae, Lausi, Lequitura, Saboria, Seloi Craic, Seloi Malere, Liurai no Hurai Raco;

Postu Administrativu Laulara kompostu husi suku 6: Bocolelo, Cotolau, Fatisi, Madabeno, Talitu, no Tohumeta;

Postu Administrativu Lequidoe fahe ba suku 7: Acubilitoho, Bereleu, Betulau, Fahisoi, Faturilau, Manucassa, no Namolesso; no

Postu Administrativu Remexio inklui suku 9: Açumau, Fadabloco, Fahisoi, Faturasa, Hautoho, Maumeta, Liurai, Tulataqueo no Karhili.

#remata.

#mediagatpama2026.

𝐌𝐞𝐝𝐢@𝐌𝐚𝐞_𝟐𝟎𝟐𝟔

Aileu, 22 Dezembru 2025. Prezidente Autoridade Munisípiu Aileu “𝗘𝘅𝗲𝗹é𝗻𝘀𝗶𝗮 𝗝𝗼ã𝗼 𝗕𝗼𝘀𝗰𝗼 𝗱𝗼𝘀 𝗦𝗮𝗻𝘁𝗼𝘀” segunda horseik sai hanesan Prezidente Konsellu Konsultivu Munisipál-KKM, hodi lidera enkontru KKM ba faze datoluk nian, ne’ebé akompaña direita husi Vise nain-3 atuál Sekretáriu Munisipál ba Asuntu Administrasaun no Finansas, Sekretária Munisipál ba Asuntu PIDI no Sekretáriu Munisipál ba Asuntu Sosiál no Organizasaun Komunitária iha salaun Timor-Klaran, Aileu.

Sesaun abertura husi “𝗘𝘅𝗲𝗹é𝗻𝘀𝗶𝗮 𝗝𝗼ã𝗼 𝗕𝗼𝘀𝗰𝗼 𝗱𝗼𝘀 𝗦𝗮𝗻𝘁𝗼𝘀” hateten, ohin iha Munisípiu Aileu ita hala’o ita-nia enkontru Konsellu Konsultivu Munisipál-KKM ba dala ikus hodi taka tinan 2025 nian, husu ba ita hotu atu tau ita-nia hanoin hamutuk, sai solusaun ida deit ba ita-nia progresu no failansu ba buat ne’ebé ita la atinji iha tinan 2025 nian. Presija tebes ita-boot sira-nia idea no hanoin hamutuk ne’ebé diak hodi foká deit ba ajenda ne’ebé iha ona.

Enkontru ba loron ohin nian, Autoridade Komunitária husi Suku 35, Konviksaun Relijioza, Reprezentante Juventude, Reprezentante FADA, Intelektual Aileu-Anan, Prezidente CCI-TL iha Munisípiu Aileu, no Reprezentante Partidu Polítiku sira, hala’o diskusaun ho hanoin konstrutivu reflete ba ajenda importante sira hanesan:

a) Aprezentasaun Ezekusaun Orsamentu Jerál Estadu Tinan 2025 husi Servisu Munisipál Finansas, por kategoria

• Salariu no Vensimentu: 89%
• Bens no Servisu: 98%
• Transferénsia Públika: 92%
• Kapitál Minor: 100%
• Kapitál Dezenvolvimentu: 100%

Ezekusaun AM Aileu ba tinan 2025 até loron 19 fulan Dezembru atinje 93%

Membru sira fó apresiasaun ba Autoridade ninia ezekusaun orsamentu no futuru presija mellora diak liu tan iha fíziku, nune’e fo votus:

Afavor: 44

Abstensaun: 2

Kontra: 0

b) Aprezentasaun Planu Asaun Anuál-PAA no Orsamentu Alokadu Munisípiu Aileu ba Tinan Fiskál 2026 husi Servisu Munisipál por kategoria;

• Salariu no Vensimentu: $3,259,041
• Bens no Servisu: $3,902,022
• Transferénsia Públika: $2,986,836.16
• Kapitál Menor: $2,355,378
• Kapitál Dezenvolvimentu: $9,345,000

Totál Orsamentu: $21,828,277.15

#Enkuantu Orsamentu Alokadu Munisípiu Aileu ba Tinan Fiskál 2026 nian hamutuk $9.497,727

Iha sesaun ida ne’e membru sira fo votus:

Afavor: 43

Abstensaun: 0

Kontra: 0

c) Aprezentasaun Progresu Ezekusaun Fízika ba Projetu PDIM Tinan 2025 no Projetu Aprovadu ba Tinan Fiskál 2026 husi Servisu Munisipál PDIM:

#. Progresu Ezekusaun Fízika ba Projetu PDIM 6 Tinan 2025 nian;

01. Projetu ho Kategoria B “𝗥𝗲𝗮𝗯𝗶𝗹𝗶𝘁𝗮𝘀𝗮𝘂𝗻 𝗜𝗿𝗶𝗴𝗮𝘀𝗮𝘂𝗻 𝗻𝗼 𝗕𝗮𝗿𝗮𝗷é𝗻 𝗣𝗿𝗼𝘁𝗲𝘀𝗮𝘂𝗻 𝟳𝟬𝟬𝗠 𝗯𝗮 𝗡𝗮𝘁𝗮𝗿 𝗔𝘀𝗹𝗶𝗺𝗵𝗮𝘁𝗶”; responsável husi kompañia Quivan Unipessoal, Lda ho progresu fíziku atinje ona 80,00%

02. Projetu ho Kategoria A “𝗞𝗼𝗻𝘀𝘁𝗿𝘂𝘀𝗮𝘂𝗻 𝗕𝗮𝗿𝗲𝗶𝗿𝗮 𝗦𝗮𝘁𝗮𝗻 𝗠𝗼𝘁𝗮 𝗯𝗮 𝗘𝘀𝗸𝗼𝗹𝗮, 𝗠𝗲𝗿𝗸𝗮𝗱𝘂 𝗻𝗼 𝗞𝗼𝗺𝘂𝗻𝗶𝗱𝗮𝗱𝗲 𝗕𝗮𝗶𝗿𝘂 𝗟𝗼𝗸𝗺𝗮𝗶𝗹𝘂𝗹𝘂 / 𝗣𝗼𝘀𝘁𝘂 𝗥𝗲𝗺𝗲𝘅𝗶𝘂”; responsável husi kompañia Kuilelo Unipessoal Lda ho progresu fíziku atinje 59,00%

03. 𝗞𝗼𝗻𝘀𝘁𝗿𝘂𝘀𝗮𝘂𝗻 𝗣𝗼𝘀𝘁𝘂 𝗦𝗮ú𝗱𝗲 𝗶𝗵𝗮 𝗦𝗲𝗹𝗼𝗶-𝗞𝗿𝗮𝗶𝗸; responsável husi kompañia Mirol Raefusa Unipessoal, Lda ho progresu fíziku atinje ona 100,00%

04. 𝗞𝗼𝗻𝘀𝘁𝗿𝘂𝘀𝗮𝘂𝗻 𝗕𝗮𝗿𝗲𝗶𝗿𝗮 𝗦𝗮𝘁𝗮𝗻 𝗥𝗮𝗶 𝗯𝗮 𝗘𝗱𝗶𝗳í𝘀𝗶𝘂 𝗔𝗣𝗔 𝗟𝗲𝗾𝘂𝗶𝗱𝗼𝗲; responsável husi kompañia NorthlandMasha Unipessoal, Lda ho progresu fíziku atinje ona 100,00%

05. 𝗞𝗼𝗻𝘀𝘁𝗿𝘂𝘀𝗮𝘂𝗻 𝗣𝗼𝘀𝘁𝘂 𝗦𝗮ú𝗱𝗲 𝗶𝗵𝗮 𝗕𝗼𝗸𝗼𝗹𝗲𝗹𝗼; responsável husi kompañia Anosel Unipessoal, Lda ho progresu fíziku atinje ona 100,00%

06. 𝗞𝗼𝗻𝘀𝘁𝗿𝘂𝘀𝗮𝘂𝗻 𝗧𝘂𝗿í𝘇𝗺𝘂 𝗕𝗲’𝗲-𝗠𝗮𝗻𝗮𝘀 𝗙𝗮𝘁𝘂𝗿𝗶𝗹𝗮𝘂; responsável husi kompañia Fitun Foun Unipessoal, Lda ho progresu fíziku atinje 80,00%.

#. Projetu Aprovadu Tinan Fiskál 2026 iha Munisípiu Aileu ho Totál Projetu 25 Kobre ba Setór Edukasaun 9, Saúde 10, Bee-moos no Sanitasaun 3 ho Obras Públikas 3. Projetu sira ne’e sei implementa hotu iha Postu Administrativu 4 hanesan;

01. Postu Aileu-Villa sei hetan projetu 10

02. Postu Laulara sei hetan projetu 5

03. Postu Lequidoe sei hetan projetu 5 no

04. Postu Remexiu sei hetan projetu 5

Totál orsamentu ba projetu 25 ne’ebé sei implementa iha tinan 2026 ne’e hamutuk $2,474,295.48

Projetu ba setór importante sei implementa iha kada Postu ne’e identifikadu husi Nasionál, Autoridade Munisipál simu lista kompletu hodi implementa. Bainhira iha prosesu implementasaun sei halo re-konfirmasaun mós ba projetu tuir setór identifikadu.

Iha aprezentasaun ida ne’e membru sira maioria fo votus:

Afavor: 44

Abstensaun: 0

Kontra: 0

d) Aprezentasaun Progresu Ezekusaun Fízika Projetu PNDS Tinan 2025 ba Fundu Operasionál, Infraestrutura no Progresu Fíziku no Lista Prioridade ba Tinan Fiskál 2026.

#. Progresu Ezekusaun Fízika Projetu PNDS Tinan 2025 ba Fundu Operasionál, Infraestrutura no Progresu Fíziku:

01. Postu Administrativu Aileu-Villa iha Projetu 14 ba Totál Benefisiarius “UK” hamutuk 918, Progresu Finansas K.O 69%, Finansas K.I 69% no Fíziku 77,68%.

02. Postu Administrativu Laulara iha Projetu 6 ba Totál Benefisiarius “UK” hamutuk 643, Progresu Finansas K.O 39%, Finansas K.I 51% no Fíziku 85,00%.

03. Postu Administrativu Lequidoe iha Projetu 7 ba Totál Benefisiarius “UK” hamutuk 741, Progresu Finansas K.O 67%, Finansas K.I 77% no Fíziku 94,86%.

04. Postu Administrativu Remexio iha Projetu 9 ba Totál Benefisiarius “UK” hamutuk 729, Progresu Finansas K.O 59%, Finansas K.I 64% no Fíziku 83,00%.

#. Lista Prioridade ba Tinan Fiskál 2026 hamutuk 98 prioridades ne’ebé sei implementa iha Suku 35 iha Postu Administrativu 4 nian ho ninia orsamentu sira;

01. Orsamentu Operasionál no Infraestrutura $918,902.00

02. Orsamentu Adisionál $300,000.00

03. Totál Regular no Adisionál $1, 288,878.00

Molok implementa projetu sira iha tinan oin, sei halo re-konfirmasaun ba projetu sira ne’ebé direita husi Autoridade Komunitária ba SM-PNDS Aileu.

Iha sesaun ida ne’e membru sira fó votus:

Afavor: 43

Abstensaun: 0

Kontra: 0

e) Aprezentasaun Ezbosu Planu Dezenvolvimentu Munisipál-PDM Aileu ba Tinan 2026-2030, ne’ebé foká ba:

01. Pilár Dezenvolvimentu ba Kapitál Sosiál

02. Pilár Dezenvolvimentu ba Infraestrutura

03. Pilár Dezenvolvimentu ba Ekonómiku no

04. Pilár Dezenvolvimentu ba Institusionál.

Esbozu sira klaru ona, Autoridade Munisipál sei submete ba Ministériu Administrasaun Estatal, nune’e Ministru ba MAE sei ba aprezenta iha Konsellu Ministru hodi hetan aprovasaun final.

Iha aprezentasaun ne’e membru sira fó votus:

Afavor: 45

Abstensaun: 0

Kontra: 0

f) Aprovasaun Suku Foun 2 ou Suku Preparativu iha Munisípiu Aileu ba Tinan 2026 nian.

Sesaun ne’e membru sira fó votus ba:

01. Suku Preparativu husi Aldeia Sarin, Suku Atuál Fahiria, Naran Suku Foun Sarin, ne’ebé lokaliza iha Postu Administrativu Aileu-Villa ho votus:

Afavor: 35

Abstensaun: 5

Kontra: 5

02. Suku Preparativu husi Aldeia Aikurus, Suku Atuál Tulataqeu, Naran Suku Foun Aikurus, ne’ebé lokaliza iha Postu Administrativu Remexiu ho votus:

Afavor: 44

Abstensaun: 1

Kontra: 0

OGE AM Aileu ba tinan 2026 nian, Autoridade aloka orsamentu ba hamoris suku foun ne’e ba suku 2 deit, nune’e suku definitivu seluk sei hein iha tinan tuir mai.

Molok ensera sorumutu ne’e, PAM hato’o profundu agradesimentu ba membru hotu nia partisipasaun ho máximu tebes, ita rekoñese failansu sira no esperansa ho tinan foun sei mellora diak liu tan servisu sira. Nai Maromak akompaña ita hotu nia viajen, Boas Festa do Santo Natal no Feliz Ano Novo ba ita hotu.

#remata.

Enkontru ne’e partisipa máximu husi Diretor Servisu Munisipál, Delegasaun Territoriál, Administrador Postu sira no Funsionáriu Apoiu Tékniku sira.

#mediagatpama2025.

Aileu, 23 Dezembru 2025. Komandu FALINTIL-Forsa Defeza Timor-Leste (F-FDTL) liu husi “𝐊𝐨𝐫𝐨𝐧𝐞𝐥 𝐉𝐨ã𝐨 𝐝𝐚 𝐂𝐨𝐬𝐭𝐚 𝐄𝐬𝐭𝐞𝐯𝐞𝐬” hanesan Kordenadór Komisaun Organizadora ba serimónia komemorasaun loron transformasaun FALINTIL ba F-FDTL ba dala-XXV hamutuk ho Xefe Protokolu “𝐌𝐚𝐣𝐨𝐫 𝐉𝐨𝐬é 𝐀𝐧𝐭𝐨𝐧𝐢𝐨 𝐍𝐮𝐧𝐞𝐬 𝐝𝐚 𝐂𝐨𝐬𝐭𝐚” no mós ekipa ida husi Enjinériu F-FDTL ho Ministériu Defeza hala’o enkontru koordenasaun ho Autoridade Munisípiu Aileu ne’ebé reprezenta husi Sekretáriu Munisipál ba Asuntu Sosiál no Organizasaun Komunitária “𝐒𝐫. 𝐑𝐨𝐠ê𝐫𝐢𝐨 𝐝𝐚 𝐂𝐨𝐧𝐜𝐞𝐢çã𝐨”, tersa horseik iha salaun I AMA.

Instituisaun FALINTIL – Força Defesa Timor-Leste (F-FDTL) mai ho ninia istória luta ne’ebé naruk iha tinan 24 iha ai-laran ho naran Força Armadas de Libertação Nacional Timor-Leste – FALINTIL. Hafoin referendum 1999, iha governu tranzisaun nia okos transforma forsa gerilia ba forsa konvensional ida neʼebé modernu ho naran FALINTIL – Forsa Defeza Timor-Leste (F-FDTL), iha 02 Febreiru 2001.

Introdusaun husi Koordenadór ba serimónia “𝐊𝐨𝐫𝐨𝐧𝐞𝐥 𝐉𝐨ã𝐨 𝐝𝐚 𝐂𝐨𝐬𝐭𝐚 𝐄𝐬𝐭𝐞𝐯𝐞𝐬” hateten, transformasaun ne’e inisia husi Aileu entaun governu, komando liu husi sira-nia inisiativa no polítika Ministériu nian, katak hotu-hotu konkorda komemorasaun ba dala-XXV “02 Fevereiru 2001 – 02 Fevereiru 2026” sei hala’o iha Aileu, hodi memoriza inísiu istória.

Atividade importante sira sei realiza iha loron 2 fulan Fevereiru tinan 2026 iha Munisípiu Aileu ne’e maka:

01. Misa Solene hafoin Presta Omenájen ba Jardím dos Heróis, kontinua ho Parada Militár “Forsa Atus 4 resin” Mai ho Batelaun.

02. Inagura Uma Esperansa ne’ebé planeamentu programa husi Ministériu Defeza no implementador husi F-FDTL ba benefisiária Sra. Maria Pereira iha Aldeia Kotabauru, Suku Seloi-Malere, Aileu.

03. Tempu loraik sei Inagura Eskola Akademia Militár Konjunta iha Aldeia Bandeir-hun, Suku-Liurai, Aileu-Villa.

Hafoin sorumutu, Autoridade Aileu akompaña Komandu FALINTIL-Forsa Defeza Timor-Leste (F-FDTL) ba vizita fatin ne’ebé sei konsentra Batelaun 1 iha eskola COSPEPAL.

Fatin destinadu ba konsentrasaun Batelaun nian iha eskola COSPEPAL durante loron 5, nune’e Komandu F-FDTL liu husi ekipa enjinériu sira sei kontribui iha setór dezenvolvimentu ba eskola “instalasaun bee-moos, eletrisidade no kria kondisaun ka reabilitasaun ba hariis fatin no sala aprendizagem sira”.

Iha parte ne’e 𝐏𝐞. 𝐂𝐚𝐫𝐥𝐢𝐭𝐨 𝐓𝐞𝐭𝐢 – 𝐋𝐚𝐜𝐚 hanesan Diretór ba Eskola COSPEPAL hato’o profunda agradesimentu ba prejensa iha COSPEPAL, espera ho prejensa sira bele kompleta hela situasaun no kondisaun balu mak dadaun ne’e eskola sei presija, tuir planu ne’ebé enjinériu sira levanta.

Tempu hanesan observa mós kampo futeból “Uma Sanulu” ba Parada Militár no Kampal Sabraka-laran ba seremónia no animasaun múzika sira.

Iha terenu observasaun ba fatin sira pozitivu no sufisiente ba hala’o serimónia sira, enkuantu kona-ba ba atividade extra balu sei realiza hodi komemora-XXV ne’e Autoridade Munisipál ho Komandu F-FDTL sei hala’o enkontru ba dala-2 nian iha fulan Janeiru hodi inklina Komandu PNTL Aileu, Servisus Munisipais no Delegasaun Territoriais hotu relasiona ho preparasaun sira.

#remata.

#mediagatpama2025.